حرب دايرة على السوشيال بسبب ”مربوحة“ و”الكبير أوي“

كشف رواد مواقع التواصل الاجتماعي عن وجود حملة ممنهجة ضد شخصية "مربوحة" التي تؤديها الفنانة رحمة أحمد، مؤكدين أن الحملة جاءت لانتقاد شخصية مربوحة، والتي وصفتها بأنها "مزعجة وصاحبة أداء أوفر".

وتصدى رواد مواقع التواصل الاجتماعي إلى انتقاد مربوحة، وكشفوا عن حملة قام بها البعض، لتشويه شخصية مربوحة، مرجعين حملة انتقاد والهجوم على مربوحة لاستقطاب مسلسل "الكبير أوي الجزء السابع" لعدد من المشاهدين في وقت إذاعة برامج أخري، أخذت من مشاهديهم.

وأثارت حملة الهجوم علي شخصية، مربوحة، ردود افعال واسعة لنشطاء مواقع التواصل الاجتماعي، الذين تصدوا للحملة، مؤكدين أن الحملة ظهرت بسبب استقطاب المسلسل للمشاهدين، كاشفين عن تكرار نفس صيغة بوست الهجوم، وذلك ما أثار شكوكهم.

وعلقت داليا قائلة: " في حد كده.. قرر انه يهاجم مربوحه ومن امبارح بقي اللجان شغاله علي الفيسبوك بنفس السيناريو وان الكبير فشل بسبب مربوحه وهجوم.. معلش توقيت العرض هو اللي واجعك مش مربوحه".

ورد محمود فقال: "جماعة مربوحة ممكن ساعات فعلًا تكون مزعجة... عارفين مين كمان؟!.. كل ممثل وممثلة شغالين حاليًا سواء في المسلسلات أو غير المسلسلات! إحنا سوق مشاهدين متقبل علي ربيع وأوس أوس وويزو! مش مصدق ان مربوحة هي اللي بيتعمل عليها حملة!!".

أما شيماء فقالت: "الهجوم الكبير علي رحمه أحمد بسبب مربوحة هو الشق الآخر من النجاح الكبير والسريع اللي عملته الشخصيه والممثله السنه اللي فاتت ومش ذنبها من الأول تصميم الشخصيه كان مبني على المبالغه والأفوره الفرق ان ده ضحك الناس السنه اللي فاتت والسنه دي شافوه سخيف".

وقالت ماريانا: "احنا كعيلة اتفرجنا علي الكبير اول حلقة سوا، كلنا ضحكنا مش عارفة ايه قصة مربوحة اللي الناس طالعة فيها"، أما محمد فقال: "حد يهاجم مربوحه ياناس دانا مش بفتح ولا بدور على حاجه غير مشاهد مربوحه".

وعلق خالد قائلًا: "هو شكل الموضوع ممنهج فعلا ومدفوع الاجر كمان... من اول ٥ دقايق الموسم ده وهجوم عالمسلسل ومربوحه ديه في كل حته".

وعلقت شيرين فقالت: "الحرب النفسية اللي قايمة على مسلسل الكبير أوي7 باستهداف شخصية مربوحه متشافة ومعروف بتخدم اهداف مين. بس الموهبة والابداع منحة رباني ولهم جمهور يدافع عنهم والارقام مبتكذبش.. كملوا انتو صرف على تفاهة قاربت المليار الكبير اوي".