نجيب ساويرس يوجه رسالة هامة للسيدات: «الست لازم تساهم مع الرجل»

علق المهندس نجيب ساويرس، رجل الأعمال، على الاستثمار في الذهب، قائلًا: «أنا زودت استثماري في الذهب، وكلامي طلع صح»، موضحًا «الأسهم العالمية في البورصات العالمية انخفضت، والبيتكوين انهار بنسبة 60%، واليورو انهار»، متابعًا: «بمقارنة وضع الذهب باليورو أو البيتكوين أو الأسهم العالمية؛ سنجد أنه ارتفع بنسبة 30 أو 40.5%».

وأضاف «ساويرس»، خلال تصريحات تليفزيونية: «أنا دائمًا تتم مهاجمتي وأخذت على هذا الوضع، ولو مفيش حد هاجمني؛ بحس إن في حاجة غلط»، مضيفًا: «ملتقى شغَّلني، يضم كم هائل من الوظائف، ويخاطب كل الفئات، والطلبات متنوعة، سواء شهادات متوسطة أو جامعية أو غيرها.

وذكر أن الطلبات ضمن فعاليات ملتقى «شغلني» الثاني لتوظيف السيدات، اليوم السبت، كانت متنوعة من شهادات متوسطة إلى جامعية، متابعًا: «الشباب يشتكي دائمًا من عدم وجود فرصة عمل، لكننا اكتشفنا أن فرص العمل موجودة والشباب موجود، لكن هناك كسل بين الناحيتين أو عدم وجود تلك الصلة بينهما»، مؤكدًا نسبة النجاح في «شغلني» تتخطى 60%.

وأشار إلى تخصيص «شغلني» للتوظيف السيدات؛ بسبب صعوبة الحياة، معقبًا: «الحياة أصبحت صعبة، والمفهوم بتاعنا إن لازم كل ست تساهم مع الرجل وتشتغل، ده مش عيب الدنيا تغيرت»، بحسب وصفه.

ولفت إلى أن المتقدمات للملتقى كان لديهن إحساس بالأمل، مختتمًا: «ناس كتيرة بتستهل وتقول مفيش، وناس تروح تقول الأجور غير مجزية، لو الأجور مش مجزية خدي الشغلانة اللي قدامك النهاردة وكملي تدوير على حاجة أحسن، لكن الواحد يقعد في البيت لحد ما يصدي ده مش حل».