عاجل.. سرقة هاتف قائد الزمالك التاريخي أعلى الدائري

تعرض قائد الزمالك التاريخي خالد الغندور، لصدمة كبيرة بعد سرقة هاتفه المحمول أعلى دائري المعادي، منذ قليل.

وأوضح "الغندور"، خلال تصريحات صحفية، ملابسات الواقعة وكيفية تعرضه للسرقة أعلى دائري المعادي: «كنت راجع من مدينة نصر وطلعت دائري المعادي والدنيا زحمة جدًا، وماشي براحتي، فجأة لقيت باب العربية اتفتح وواحد خطف مني التليفون عيني عينك، محستش بنفسي من الصدمة، ونزلت أجري وراه نط الحاجز وعدى الناحية التانية، وكان في واحد مستنيه بموتوسيكل من غير نمر ركب معاه وهربوا».

وأشار قائد الزمالك: "رجعت لقيت عربيتي ماشية وخبطت في عربية قدامي، والناس نزلت تتكلم معايا ينفع كده يا كابتن قولتلهم خدوا رقمي وتحت أمركم في أي حاجة".

وأضاف: "الولد اللي سرق مني الموبايل عنده حوالي 14 سنة، والموبايل ايفون لسه جديد اشتريته من كام يوم بـ32 ألف جنيه، وبكره هعمل محضر، وهما شكلهم عصابة ومخططين لكل حاجة، وإن شاء الله الكاميرات هتجيب اللي حصل".

وعبر خالد الغندور عن استيائه الشديد بعد تعرضه للسرقة بهذه الطريقة، قائلا: «مش مصدق أننا في مصر ويحصل كده».