أول تعليق من إلهام شاهين على أزمة مسرحية الفنان محمد صبحي

شارك الفنان محمد صبحى جمهوره ومتابعيه مقطع فيديو للفنانة إلهام شاهين كشفت خلاله عن رأيها في مسرحية «عيلة اتعملها بلوك»، التي واجه من خلالها الفنان عدة أزمات في الأيام القليلة الماضية.

ونشر صبحي الفيديو عبر حسابه الرسمي بموقع التواصل الاجتماعى «إنستجرام» وظهرت فيه إلهام شاهين قائلة: «انا بشكر الفنان الكبير محمد صبحى، استمتعت جدا بمسرحية عيلة اتعملها بلوك، مر قصاد عينى تاريخنا كله من أيام الرئيس عبدالناصر وما قبله الرئيس السادات ثم مبارك، ثم العصر اللى احنا عايشين فيه».

وأضافت: «بشكل رائع وجميل وتأثير كل فترة سياسية مرت على الشعب المصري، والتغيرات اللى حصلت في المجتمع، والمسرحية على قد ما استمتعت بس قلبي اتوجع بالتغير اللى حصل في العائلة المصرية».

وتابعت: «حياة الناس اللى بقت على السوشيال ميديا، في ناس بتكون مع بعض بس منفصلين في حياتهم مفيش كلام بينهم ومش شايفين بعض، الإنسانيات اللى كانت موجودة الحياة التكنولوجية قضت عليها، العرض ده ممكن يفوقنا ويقولنا لازم نفهم أن الأسرة هي رمز للوطن العربي كله».