تزوجت من محمد كامل.. قدرية كامل هربت من تركيا الي عالم الفن ودخلت نادي المائة فيلم

اللى فى الصورة دي تبقى قدرية كامل .. الست اللى ضحت بالجاه مقابل أنها تفضل عايشة مع جوزها اللى حبته من كل قلبها..

قدرية أصولها تركية ..وتبقى بنت شقيقة جلال بايار الرئيس التركي.. وهربت لمصر مع أسرتها لما تم اعتقال بايار.. ولما بقى رئيس طلب منها إنها ترجع تركيا بشرطين.. الأول تبطل تمثيل والتانى تتطلق من جوزها.. لكن قدرية رفضت وقالت هفضل فى مصر لأنى مش هقدر أسيب الفن ولا أسيب جوزي..

عارفين بقى جوزها يبقى مين؟ يبقى محمد كامل أشهر من قدم دور السفرجي فى السينما المصرية.