حسام حبيب: عمرى ما أخذت مليما من شغل شيرين خلال وقت جوازنا
أكد الفنان حسام حبيب، أنه لم يحصل على أي مقابل مادى من شغل شيرين عبد الوهاب خلال فترة زواجهما، قائلًا: "عمري ما أخذت مليم من شغل شيرين وده حصل منها كتير تقولى أنت تعبت وأنا اقولها ده واجبى".
وأوضح حسام حبيب، خلال تصريحات تليفزيونية، أنه له منطق آخر فى شغل الزوجة أنه يكبر شغلها ويؤمنها، مشيرا إلى أن التصريحات التي كانت تدلي بها شيرين كانت غضب ستات وقت المشاكل، كاشفا: "لما شيرين بتغضب هي شخصيا بيني وبينها بتقولي كنت بقول كده عشان أضايقك والغلطة بتكون في الكلام ده قدام الناس والناس مش هتنسي".
وتابع: طلع اشاعات كتير علينا وقت الخلاف والرجوع اللي يقول من الحب ما قتل وهو ساحر لها واتقال أكاذيب وشائعات كثيرة وعلاقتي بهنا بنت شيرين قوية، والغضب بيعمل حاجات كتير وفي حب بيقلب ارتباط مش عادي وأكبر غلط عملته مع شيرين أن عمري ما كان ليا طلبات ومكنش ليا فيها طلبات ولا هي كان ليا فيا طلبات واحنا لم ننبه بعض".
