وصية صادمة من فيفي عبده لأسرتها: لو مُت متدفنونيش
أوصت الفنانة فيفي عبده ابنتها وأسرتها بعدم دفنها فور وفاتها، إذ تخشى الفنانة من دخولها في غيبوبة سكر أو أي أزمة قبل وفاتها ودفنها حيةً، لذلك طلبت من أسرتها تأخير دفنها ليومين بعد الوفاة حتى التأكد من أن روحها فاضت إلى بارئها.
وكشفت فيفي عبده وصيتها، خلال تصريحات تليفزيونية لها، إذ قالت: أنا قُلت لأولادي لو مُت سيبوني يومين برة، لما تتأكدوا أني خلاص مت فعلًا، لأن ممكن أكون في غيبوبة سكر ولا حاجة.
وصية الفنانة فيفي عبده
وتابعت فيفي عبده: أنا كل يوم بدعي ربنا يطول في عمري، لأني بحب الحياة وللأسف مشوفتهاش غير لما كبرت، عمري ما شوفت الدنيا وأنا مبسوطة، أنا مريت بتجربة صعبة زي المرض.. المرض بيخوف وغدار.. ربنا يحفظنا.
كما تحدثت فيفي عبده عن الأمن والأمان في مصر، حيث قالت: والله العظيم دايمًا بقول بسم الله ما شاء الله، علشان مصر متتحسدش على الأمن والأمان اللي في البلد، الحمد لله.. عمار يا مصر.. عمار يا مصر.. إحنا في دولة عظيمة ربنا يحفظها ويحفظ الرئيس.
