آمال ماهر: لما غنيت على المسرح قالوا دوبلير.. وخايفة دلوقتي يقولوا مش أنا
ردت المطربة آمال ماهر، على الشائعات التي أثيرت حولها، قائلة: "أنا بخير الحمدلله على محبة الناس.. أنا لما طلعت في فيديو دقيقتين قالوا مش هي ومش في بيتها".
وأضافت آمال ماهر خلال تصريحات تليفزيونية: "أنا اتخضيت من كتر الناس القريبين اللي بيكلموني، وبكلمهم وأرد عليهم ومش مصدقين إني أنا بكلمهم، بكلم قرايب وأصحابي بيقولوا لا ابعتيلنا صوتك، قلت لا انتو بتستهبلوا وزودتوها"، مردفة: "كنت أمشي، أقولهم والله ما في حاجة، كنت بروح الجيم، ولما تعبت وبطلت اتأكدوا قالوا لا خلاص دي مخطوفة وفيها حاجة، لا مفيش أي حاجة".
وواصلت: "بحس إن بالفطرة كده، الناس كلها أي إشاعة عن أي موضوع الناس بتجري وراها"، كما سخرت عن أنه في حالة تكرار الأزمة قائلة: "أبقى أسيب فيديو قبلها احتياطي"، واستكملت: "أنا غنيت وقالوا لا مش هي برضو، قالوا دي دوبلير".
