أول رد من أحمد العوضي على زيارة ياسمين عبد العزيز له بالمستشفى
![أحمد العوضي وياسمين عبد العزيز](https://www.anahwa.com/img/24/01/24/341698.jpg)
![](https://www.anahwa.com/ix/GfX/logo.png)
أوضح الفنان أحمد العوضي تفاصيل حالته الصحية، بعدما تعرض لوعكة صحية منذ بضعة أيام أدت إلى نقله لمستشفى السلام الدولي لتلقي العلاج اللازم.
وقال أحمد العوضي خلال تصريحات تليفزيونية: الحمد لله رب العالمين والكلام اللي اتقال كلام كتير وده طبعًا بشوفه حب من الناس والاهتمام، والموضوع إني كنت في الفترة الأخيرة بصور طول الوقت ومفيش أي راحة وجالي دور برد شديد فأهملت فيه.
وأضاف العوضي: وقلت أنا هتمرن وأشتغل عادي لحد ما حصلي رعشة وروحت للدكتور وقالي لازم أقعد 4 أيام في المستشفى عشان الإهمال اللي بعمله وإن شاء الله هخرج بكره، وأنا وياسمين حالة خاصة جدًا وإحنا قصة كبيرة والعالم العربي كان معانا قلبًا وقالبًا والانفصال تم بطريقة تليق بينا وبحب الناس لينا.
وأردف أحمد العوضي: رغم إننا متطلقين لما سمعِت إن أحمد تعب في التصوير، بعتتلي قالتلي أنت كويس؟ والمفروض هروح، وهي أول واحدة قولتلها وأنا روحت المستشفى لقيت ياسمين داخلة عليا ومسابتنيش لحظة وده مش جديد عليها وحبيتها عشان هي بنت أصول وفيه بينا احترام وأصل وده مستغربتوش منها وده كنت مستنيه، وأنا حبيت أطمن كل إخواتي من خلالكم.
وعكة أحمد العوضي
الجدير بالذكر أن أحمد العوضي تعرض لوعكة صحية منذ بضعة أيام أثناء تصوير أحد مشاهد الأكشن في مسلسل حق عرب المقرر المنافسة به في موسم دراما رمضان 2024، وتم نقله لمستشفى السلام الدولي.