المدير الرياضي لـ بيراميدز: تحرير محضر ضد حسين الشحات ونسعى لإيقافه 14 مباراة

قال هاني سعيد المدير الرياضي لنادي بيراميدز: "موضوع ضرب حسين الشحات لمحمد الشيبي بالقلم صعب جدًا وأنا بصراحة مش عارف الشيبي نفسه استحمله كده ازاي، وموضوع المصالحة ده جاء صدفة لو كنت شايف القلم مكنتش هخليه يعتذر لمحمد الشيبي".

وتابع هاني سعيد خلال تصريحات تليفزيونية: "الشيبي كانت حالته غريبة جدا وبيقولي أنا لحد دلوقتي مش مصدق ومش عارف إيه اللى حصل معايا، قلت له لو لك حق مش هنسيبه وإحنا معاك في أي حاجة"، مضيفًا: "الشيبي قال لي إنه اتشتم بالأب والأم وإن حسين الشحات قاله أنا هكسرلك رجلك لو كنت لعبت من أول الماتش".

ولفت: "الشيبي من كتر الصدمة مبيتكلمش ومعملش أي حاجة ولا عمل أي حركة مسيئة"، مؤكدًا: "الشيبي قرر إنه يرجع واحنا معاه في أي حاجة وحقه يعمل محضر في قسم الشرطة ضد حسين الشحات، ويمكن حسين شايل منه من وقت ماتش السوبر".

وأكد: "لسنا راضين عن العقوبة التي وقعت ضد حسين الشحات من قبل رابطة الأندية، ونرغب في تغليظ العقوبة، وفيه وقائع أقل من تلك الواقعة وكانت العقوبة تصل الي الايقاف ما بين 12 إلى 14 مباراة، لذلك لا يجب أن ل تقل العقوبة عن ايقاف لاعب الأهلي عن 14 مباراة".