ميرهان حسين تتراجع عن الاعتزال: ”كان قصدي السوشيال ميديا مش التمثيل”

تراجعت الفنانة ميرهان حسين عن اعتزالها التي أثارت به الجدل في الأيام الماضية ما جعلها عرضه للهجوم والانتقادات من قبل عدد كبيرمن النقاد والفنانين.

ميرهان حسين تتراجع عن الاعتزال
وقالت ميرهان حسين في فيديو عبر حسابها الرسمي بموقع تبادل الصور والفيديوهات انستجرام، وقالت: اختفيت عشان أرجعلكم أحسن من الأول، وكنت محتاجة فترة عشان أقدر أرجع زي الأول تاني، وبعتذرلكم عن الاختفاء ده وحابة أقول شكرا لكل صحابي وأهلي وزميلي والناس اللي بتحبني.

وتابعت حديثها: أنا بعدت عشان ممكنتش في أحسن حلاتي وإن شاءالله الأيام الجاية، أما بالنسبة لإعتزالي فمكنتش اقصد إني اعتزل الفن كان قصدي اعتزل السوشيال ميديا والناس لفترة لأني كان عندي فترة احباط لكن بوفقتكم جمبي وحبكم ليا قدرت أعدي الفترة دي.

وعلقت ميرهان حسين على الفيديو، فقالت: شكرًا على الحب و الدعم اللي فرح قلبي و عرفني ان حبكم نعمة من ربنا، شكرًا لكل حد منكم بعتلي مسدچ أو حاول يوصلي و يعبرلي عن حب جميل و يحسسني اني ماتعبتش عالفاضي شكرًا لكل اللي قالوا في حقي كلمة حلوة .. إن شاء الله هارجع أكون معاكم و ربنا يكتب الخير ليا و لكل الناس ،، شكرًا مرة تانية من قلبي.

اعتزال ميرهان حسين

وكانت أعلنت ميرهان حسين اعتزالها منذ فترة، فقالت: اجازة مفتوحة من الـ سوشيال ميديا والمكالمات والالتزامات والمجاملات والتواجد من أجل الاخرين مش هكون موجودة ولا عايزة حاجة من حد ولا حد يعوز مني حاجة واللي زمان أنا عيشته لغيري أنا دلوقتي هعيشه لنفسي، تعبت وأشعر بعدم التقدير لشخصي ولموهبتي.. ولم أعتد البقاء في مكان ومع أشخاص لا تقدرني.. تعبت.. لذلك اعتزل.

وكشفت عن سبب الاعتزال، فقالت: بعدما قدمت العديد من الأدوار التي لا تشبهني ولا تشبه موهبتي ولا تستغل أدواتي كـ فنانة ممثلة محترفة وحصلت على العديد من ورش التمثيل، وأملك القدرة على التقليد بالأداء الصوتي والشكل والهيئة والملامح التي أجيد رسمها على وجهي بالمكياج والشعر دون مساعدة من أحد وبنفسي فقط بأبسط الإمكانيات وأصور بنفسي وأعمل مونتاج بنفسي.