هبة قطب: بعالج يوميًا 4 مثليين والنظرة المجتمعية ناحية الشواذ سلبية جدًا

قالت الدكتورة هبة قطب استشاري العلاقات الزوجية: "بيجي لي العيادة كل يوم من 3 إلى 4 مثليين جنسيين، المثليين اللي بيجوا لي مقسومين لاتنين حد جاي لوحده أو حد جاي مع حد، واللي جاي مع حد بقول له أنت زي الثمرة اللي لسه ما استوتش فمش هينفع لأن احنا مهما عملنا فيك حتى لو قطفناك وقطعناك وقدمناك مش هتتاكل فمش هينفع، وفيه شخص جاي لوحده وعامل عمايل علشان متضايق من نفسه".

وأضافت هبة قطب خلال تصريحات تليفزيونية: "النظرة المجتمعية ناحية الشواذ أو المثلية الجنسية سلبية جدًّا وفيه رفض والأسس الدينية على الأقل الحد الأدنى موجودة في كل بيت، ومعظم المصريين تفكيرهم في تكوين أسرة مش زي شعوب أوروبا اللي بيبوسوا إيديهم علشان يخلفوا".

وتابعت استشاري العلاقات الزوجية: "كل شخص مش عايز أمه تموت بقهرتها ولا أبوه يوطي راسه ولا يمشي في الشارع مش بشكل طبيعي وفاقد لثقته في نفسه".