طلعت كدابة.. محمد مختار يرد على اتهامات طليقته رانيا يوسف بالمستندات

رد المنتج محمد مختار، على اتهامات طليقته الفنانة رانيا يوسف بأنه لا ينفق على بناته، قائلًا: "أنا اديتها كل حاجة بالمستندات وهي خاتمة وبصمت على عقد بخصوص هذا الأمر".

وأظهر محمد مختار، خلال لقاء تليفزيوني، عقدًا يوثق توقيع رانيا يوسف علي حصولها علي كافة مستحقاتها المالية من طليقها، موضحًا:"انا حزين من اتهامات رانيا يوسف ليا".

وبرر محمد مختار، أسباب مشاركته في إنتاج أفلام نادية الجندي وتجاهله لرانيا يوسف، قائلًا: "معاكي حصان ربحان وماشيين مع بعض 22 سنة مكسرين الدنيا ليه اغير".

في وقت سابق، قالت الفنانة رانيا يوسف: "احترم في نادية الجندي الإصرار ومكنش حد علي الساحة غيرها هي والزعيم عادل إمام والفنانة نبيلة عبيد، وهما وقتها كانوا نجوم الشباك"، وتابعت: "نجومية نادية الجندي صنعتها بفلوسها وإنتاج زوجها المنتج محمد مختار".

وأضافت "يوسف" خلال تصريحات تليفزيونية: "نادية الجندي معندهاش موهبة إلي حد ما، ولكن ليها عندي فيلمين بحبهم جدا وهما الباطنية والرغبة، ودول اللى بعتبرهم رصيدها الفني وفيه مجهود فيهم".

ولفتت: "نادية الجندي كانت بتوقع بيني وبين طليقي المنتج محمد مختار، ومش هقول تفاصيل تانية عن حياتي، مينفعش يبقى فيه خلاف أو مشاكل ويبقى فيه تقويم علي بناتي وعليا، وانا اتجوزت محمد بعد ما انفصل عنها بـ7 سنين بس هي كانت واخدة موقف معايا".

وقالت الفنانة رانيا يوسف، "أنا انخدعت في كل الرجالة اللى ارتبطت بيهم، بيبقى الواحد منهم في الأول فرفوش ولذيذ وعايز يخرج ويسافر ولطيف وبعد كده بيتحولوا".