هشام عاشور: ”نيللي كريم ”غول تمثيل” وذاكرت كتير علشان أخد فرصة”

كشف الفنان هشام عاشور، تفاصيل مشاركته في مسلسل عملة نادرة من بطولة نيللي كريم وجمال سليمان، وكشف عن رأيه في تمثيل نيللي كريم، كما رد على منتقدي ظهوره في أعمالها.


وحش تمثيل

ورد هشام عاشور عن سؤال: "كيف وجد العمل مع زوجتك نيللي كريم" بطريقة غير متوقعة، قائلًا: “نيللي دي وحش تمثيل”.

وأضاف “عاشور”، :"لحد أسبوع قبل ما نبدأ التصوير مكنتش مصدق أو شايف أنها تقدر تعمل حاجة زي كده لكن أول ما بدأنا تصوير تحولت"، معقبًا: " طول عمري عارف أنها جامدة جدًا بس بعد اللي هي عملته في المسلسل ده وازاي مسكت الشخصية أنا شايف أن ده هيبقى من أكبر وأهم أدوارها "، متابعًا: “ احنا مش بنتقابل كتير في المسلسل في خطين مختلفين”.


هشام عاشور يرد على منتقدي ظهوره في أعمال زوجته

ورد عن على ما يواجه إليه من انتقادات حول كونه زوج نجمة العمل، قائلًا: “الفكرة كلها في انك تبقى عارف انت مين.. انا بالنسبالي ذاكرت تمثيل كتير جدا في أمريكا وعملت عمل صغير في هيوليوود وعارف أنا إمكانياتي ايه كممثل”.