أزمة تهدد مسلسل دنيا سمير غانم بسبب اتهام بسرقة الفكرة

فتحت الكاتبة "روان أبو خشم" النار على صناع مسلسل جت سليمة المقرر عرضه خلال موسم دراما رمضان 2023، بطولة الفنانة دنيا سمير غانم، واتهمت فريق العمل بسرقة الفكرة من رواياتها التي تحمل اسم "فاكيت أفريب".

ونشرت روان أبو خشم، مقطع فيديو، عبر حسابها الشخصي على موقع التواصل الاجتماعي "فيس بوك" تتهم فيه صناع العمل بسرقة فكرتها من رواياتها التي حملت اسم "فاكيت أفريب".

وقالت "روان"، خلال الفيديو: "أنا روان أبو خشم صاحبة رواية فاكيت أفريب، أنا روايتي اتسرقت واتعملت مسلسل في رمضان 2023، ومش العادي أن الأفكار تتسرق مش العادي أن المجهود يتسرق ومش عادي أن طموحاتنا تدفن

وأضافت: "أنا أول ما شوفت المسلسل كل حاجة أسودت في عيني، أكتب تاني ازاي ولا أكتب تاني ليه أصلا، أكتب عشان روايتي تتسرق تاني وتالت ورابع، ومنظري ايه قدام نفسي وقدام أهلي وحاجاتي بتتسرق، وفي الأخر بتقولوا عايزين شباب مبدع ومثقف، فين الشباب المثقف أصلا وهو بيتسرق، مين هيجيب حقي، يعني ندفن نفسنا، حتى الأفكار بتتسرق".

وبعثت روان أبو خشم، رسالة لـ النائب العام خلال الفيديو قائلة: "أنا بناشد النائب العام بالفيديو ده، أنا عايزة حقي، أزاي أجيب حقي عشان حتى أظهر قدام نفسي مش ضعيفة".