حورية فرغلي: كنت عايزة أموت ودلوقتي مبسوطة بنفسي جدًا
![حورية فرغلي](https://www.anahwa.com/img/23/03/05/310595.jpg)
![](https://www.anahwa.com/ix/GfX/logo.png)
قالت الفنانة حورية فرغلي، إن قبل عامين كانت تتمنى الموت، وتحديدا وقت انتشار فيروس كورونا، وعدم قدرتها على السفر لأمريكا والحصول على التأشيرة في ظل غلق السفارة، لاستكمال علاجها هناك، موضحة: "من سنتين كنت عايزة أموت مش عايزة أعيش، فيه كورونا والدكتور اللي ممكن يعالجني موجود في أمريكا والسفارة مقفولة، وأنا مناخيري مش مناخير أ صلا مش عارفة أبص في المراية ولا استطعم الأكل ولا أشم أي ريحة، بالنسبالي كان ايه الفرق بين العيشة والموت".
وأضافت "فرغلي" خلال تصريحات تليفزيونية: "اخدت ثقة في نفسي غريبة في الفترة الأخيرة، وبقيت اقول اللهم لك الحمد لله والشكر علي اللي أنا فيه، واللي مش عاجبه أي حاجة فيا بص الناحية التانية متبصليش بس أنا مبسوطة بنفسي جدا".
وأكدت حورية أنها باتت أفضل بكثير من قبل، وتستطيع أن تحدد رائحة أي شيء بسهولة، بعدما كانت قد فقدت حاسة الشم لفترة طويلة، وتابعت "المفروض اعمل حاجة واحدة ودي مش مهمة اوي، عشان الفتحات في أنفي تكون زي بعض بالظبط، بس دي تتعمل في اي وقت، عايزة ارتاح شوية من غرفة العمليات"، مشيرة إلى أنها خضعت على مدار 8 سنوات لحوالي 27 عملية.