في بيت أختي.. قاصر العمرانية تكشف تفاصيل التعدي عليها جنسيًا من سائق توك توك

أحال المحامي العام الأول لنيابة جنوب الجيزة، المتهم بهتك عرض طفلة عمرها ١٦ عامًا إلى محكمة الجنايات، واستمعت جهات التحقيق لأقوال الضحية، وجاء نص أقوال الضحية كما يلي.

ما تفصيلات واقعة التعدي عليكِ ؟
- اللى حصل اني انا تعرفت على المتهم من حوالى سنتين علشان هو عنده توك توك وكان بيوصلنا انا ووالدتى وكان عاوز يخطبني من حوالي سنة بس اهلى مرضيوش فهو فضل يكلمني عادي وكنا بخرج مع بعض عادى ومفيش حاجة كانت بتحصل بينا بس من حوالي اربع شهور قالى انا عاوز اروح أتكلم مع اختك وأقابلها وبعدين واحنا عندها قالى عاوزك فى الاوضة فى كلمتين راح اخدنى جوة الاوضه وقلع ملابسه الداخلية وبعدين خلعتله الملابس الداخليه ونمنا على السرير وعمل معايا علاقة زى الناس المتجوزين وفضلنا نعمل الموضوع ده اكثر من مرة عند اختى فى البيت وبعدين اكتشفت اني حامل فروحنا علشان نعمل بلاغ لانه مرضيش يعترف باللى فى بطنى وهو دا كل اللى حصل.

متي وأين حدث ذلك؟
- عند اختي.. أنا اتعرفت عليه من حوالى سنتين وممارسة العلاقة ابتدت من حوالى اربع شهور.

ما سبب ومناسبة تواجدكما بالمكان والزمان سالفي الذكر؟
- احنا كنا رايحين عشان كان عايز يتكلم مع اختي بس بعد كدة اخدني في الأوضة وعمل معايا علاقة.

من كان برفقتكما آنذالك؟
- كنا لوحدينا في الاوضة

وهل من ثمة اشخاص اخرين اشتركوا مع المتهم سالف الذكر فى التعدى عليك جنسيًا؟
- لا هو كان لوحده.

جاء بأمر الإحالة أن المتهم هتك عرض المجني عليها الطفلة والتي لم تبلغ من العمر ثماني عشرة سنة كاملة بغير قوة أو تهديد بأن أوهمها بوجود علاقة عاطفية فيما بينهما، وما أن ظفر بها حتي عاشرها معاشرة الأزواج.

شهد معاون مباحث قسم شرطة العمرانية بأن تحرياته السرية توصلت الى قيام المتهم بمعاشرة المجني عليها معاشرة الأزواج.

وأقر المتهم إبان استجوابه بتحقيقات النيابة العامة بارتكابه للواقعة.