سحر رامي تثير الجدل بما قالته عن ثروة الممثلين: ”مش كلنا محمد رمضان”

كشفت الفنانة سحر رامي عن الصعوبات التي يواجهها مَن يعملون في مهنة التمثيل، مؤكدةً أن الفنانين ليسوا أغنياء كما يزعم البعض.

وقالت سحر في تصريحات صحفية: "الناس فاكرين أن كل الفنانين بيلعبوا بالفلوس وعايشين في قصور، ولكن مع الأسف مش كلنا محمد رمضان ومننا مش لاقيين فلوس يصرفوا على عيالهم وبيوتهم؛ لأن مهنة الفن صعبة وكلها حظ ومواسم".

وأضافت: "الزمن اتغير ودلوقتي كل فنان بقى معاه 5 مساعدين، واحد يولّع له سيجارة ومساعد تاني يجبله أكل، إحنا زمان مكناش كدا ومع الأسف التكنولوجيا والتمثيل بقى أسهل من زمان والمشاهد ممكن تتقطع والدنيا تطورت عكس زمان ولكن مع الأسف الفكر راح، وأي واحد بيقول نكتة بيفتح الكاميرا وبيعملها مسلسل".

وعن مقارنة محمد رمضان بالراحل أحمد زكي، قالت سحر رامي: "مقارنة محمد رمضان مع أحمد زكي مستحيلة؛ دا ظلم لأن مفيش حد شبه التاني، أنا شخصياً مش شبه نفسي كمان 10 سنين، ومفيش حاجة اسمها فنان له خليفة، بأمارة مين محمد رمضان خليفة أحمد زكي؟ دا العصر مختلف والأدوار مختلفة وحتى الأرقام اتغيرت مكنش فيه حد زمان بياخد المبالغ الموجودة دلوقتي".