«كنا بنلعب».. أول تعليق من رانيا يوسف على صورها فى أحضان أحمد الفيشاوي

قالت الفنانة رانيا يوسف: "أنا مبجيش جنب التريند هو اللى بيجي جنبي، وصورتي أنا وأحمد الفيشاوي عادية وأنا مش ناوية أتجوز دلوقتي، ولكن احنا بنعمل فيلم مع بعض، وكنا في الصورة بنقرأ السيناريو مع بعض في أوتيل اللى كان عامل احتفالات الكريسماس وقلنا وقتها يلا نلعب شوية".

وتابعت "يوسف" خلال تصريحات تليفزيونية: "الجواز سهل المشكلة في الشخص اللى هنتجوزه وعقليته اللى ممكن تناسب الست، الأهم ان الاتنين يفهموا بعض ويحترموا بعض وحياة بعض ويقدروا عقلية بعض وده صعب جدًا".

وأضافت: "عمر ما كان الحب كفاية، أنا 3 جوازات و2 مشروع جواز ملقتش حد عدل أو كويس، الراجل بيخاف يكون أنجح منه وبيغير لما يلاقى الناس بتحب الواحدة"، لافتة: "أي علاقة عاطفية بتبدأ حلوة أول 3 شهور وبعد كده الراجل أول لما بيحس اننا هنتجوز أو تيجي سيرة الجواز وفيه ورق رسمي هيتكتب فيه وحش بيتحول".

وأشارت رانيا يوسف: "الرجالة كلهم نزوات ومممكن نسامح علشان العيال والحفاظ علي البيت وممكن أعديها، وفي أول جوازة بنتي قالت لي بقالك كتير مش بشوفك بتضحكي ومكنتش قادرة امثل عليها اني سعيدة فقلت لأ انا مش هقدر أكمل في الزيجة دي واتطلقت ومفيش طلاق من غير وجع خاصة لما يكون فيه عشرة ورصيد ما بينهم ذكريات حلوة".