حارس المشرحة يكشف لغز الاخت التي بصمت اختها وهي جثة
تدول رواد السوشيال تصريحات منسوبة لـ"حارس المشرحة" يكشف لغز الاخت التي بصمت اختها وهي جثة، وقال المنشور" النهاردة سيدة من دمياط توفت 6 صباحاً في مستشفى جامعة المنصورة ... المستشفى اتصلت بأخوها تبلغه اللي مكنش موجود في دمياط لأنه سواق وكان راجع من الصعيد في الطريق...فأتصل بأخته وقالها كلمي باقي أخواتك يسبقوني علي المستشفى وأنا هرجع علي المستشفى وبلغي زوجها لأن سائق ومنهار ومش هقدر اكلم حد في الحاله دي".
وأضاف المنشور"تقوم الأخت تروح المنصورة للمستشفى من غير ما تتصل بباقي إخوتها وتروح علي تلاجة الموتي وتعيط وتعمل فيلم وتدي 200 جنيه لفرد الأمن ومعلش دخلني اشوفها بس خمس دقائق لأن مش هعرف اشوفه في البيت علشان بيني وبين جوزها مشاكل وكل دة طبعا كذب .. يدخلها ويفتح ليها ويسبها تودعها ويخرج، وبعد دقيقه يفتكر أنه نسي فونه جوة يدخل يجيبه يلاقي أختها ماسكه ورقه فاضيه وبصامه وبتبصمها علي الورقه .. يمسكها ويبلغ الأمن وتحاول ترشيه يسبها علشان متتفضحش بس مرضاش وسلمها للأمن والشرطة جت خدتها".
