شيرين تفتح النار علي حسام حبيب: سرقني وكنت اتكفل بمصاريف والده
فتحت الفنانة شيرين عبد الوهاب النار علي طليقها الفنان حسام حبيب، وقالت أن حسام حبيب قلبه اسود وقام بسرقه فلوسها، وكشفت شيرين أيضا عن أنها كانت تتكلف بمصاريف والده حسام حبيب، وأكدت أنها لم تشعر بالارتياح هي وبناتها الا بعد خروج حسام من حياتهم.
وتابعت شيرين قائله: آنا وياسمين عبد العزيز مش صحاب قوي ولكنها قالت لي فوقي لنفسك وارجعي تاني شيرين وأنا بواجه لها الشكر.
وكشفت شيرين أنها تستعد لطرح أغنية جديدة لها خلال الفترة المقبلة.
وأضافت في تصريحات تلفزيونية،
«أنا ست كنت عايشة مش راجل ولا بيتشغل ولا بيشوف أهله ولا صحابه.. مكنش بيعمل أي حاجة غير حب الامتلاك.. فضلت أدافع علشان الحب ده ينجح وأنا خدامة الراجل اللي بعيش معاه.. لقيت نفسي بتدمر وشغلي اللي كان المفروض يخلصه لي كله كان متعطل».
وتابعت: «(حسام حبيب) إنسان مودي جدا.. أقسم بالله العظيم خسرني كل الناس.. خسرني أبويا وأمي وأختي وصحابي والسواق والشغالة.. كان فاكر الكل متآمر عليه.. لدرجة إنه حسسني إن الدنيا تآمرت إننا منبقاش مع بعض.. صدقته مع إن الحقيقة مش كده».
وأكملت: «(حسام حبيب) لازم يتعالج نفسيا لإنه عنده حب امتلاك.. وعنده ابتزاز من كل شيء.. لو غنيت أو عملت فرح ناجح كان بينكد عليا.. يقولي إنتي كنتي ماسكة الولد كده ليه وليه حاضناه كده رغم إنه أد ابني».
وذكرت شيرين: «لما عملت إعلان كويس جدا (لأحد البنوك) نكد عليا».
طرحت شيرين مؤخرا أغنية "كلها غيرانه" وهي من كلمات الشاعر محمد مصطفي، وألحان محمود أنور ، وقامت شيرين بطرحها بسبب كثره الشائعات التي ترددت عنها في هذه الفترة.
