بدرية طلبة: مستعدة أطبل وأرقص علشان بلدي

علقت الفنانة بدرية طلبة على استغلال إحدى القنوات الإخوانية لتغريدة لها عن غلاء الأسعار، قائلة: السنة اللي فاتت أنصار جماعة الإخوان الإرهابية مسكوني تقطيع وقالوا عليا مطبلاتية للدولة المصرية، والسنة دي بقيت إخوانية.

وأضافت "طلبة" خلال تصريحات تليفزيونية: لو قالوا عليا مرشدة حتى ما دام في مصلحة بلدي أنا موافقة، ومستعدة أطبل وأرقص واتحزم لأي حاجة ما دام لبلدي.

وأوضحت الفنانة بدرية طلبة: "محدش يختلف عليا إني وطنية جدًا وترجموا البوست الخاص بي لمصلحتهم مع أنه كان لمجرد الدعابة لأنني في الأصل فنانة كوميدية وبحب من وقت للتاني أكتب على صفحتي أشياء لسعادة المتابعين.

وتابعت: "ياسر جلال في مسلسل الاختيار 3 أتقن الدور بشكل محدش يصدقه لابس الشخصية بطريقة صح جدًا سواء صوت أو أداء، والكوميديان بيشوف الأفية خيال وتخيلت البوست والجميع ضحك عليه لحد ما هما اصطادوا في المياه العكره ومحدش فيهم يستاهل الرد، واللي بنشوفه في المسلسل عاصرناه وعانينا منه وربنا يخلي لنا الرئيس".