مصطفى درويش: كنت بتفرج على شيرين رضا في كليب عمرو دياب وأنا عندي 10 سنين
علق الفنان مصطفى درويش على الهجوم المتبادل بينه وشيرين رضا، قائلًا: «جالي من فريند عندي في البيدج مانشت في المواقع، إنها بتسخر مني وبتقول متعرفنيش، فأنا مردتش، ومعرفش إيه القصة، لأني مفهمتش إيه اللي حصل».
وأضاف درويش، خلال حواره مع الإعلامية بسمة وهبة، على قناة «المحور»: «عرفت بعد كده اللي حصل، وإنها هاجمتني بسبب انسحابي من فيلم الملحد، فرديت وخلتها تركب معايا التريند، مركبتش لوحدي».
وتابع: «رددت عليها بأدب وقلت إن هناك فارقا كبيرا في السن، ومن الطبيعي ألا تعرفني، كنت بتفرج عليها في كليب عمرو دياب وأنا عندي 10 سنين، عارفها من زمان، والناس كلها بتموت فيها».
وأوضح: «شيرين رضا فنانة قبل أن أفكر في أن أصبح فنانا، هي قبل مني في الفن وقبلي وخبرة عني، هي عارفاني أكيد، وكانت المفروض تقول متعاملتش معاه قبل كده، وده قرار.. ده الكلام العاقل، أنا عارف هي بتتكلم إزاي، هل كل كلامها ده مش عيب؟! ولا في فئة في المجتمع تنتقد وإحنا منقدرش نقولها لأ».
