تمارا سعد تكتب : ”واحد رافض يخسرك وواحد مستخسرك !”
فرق كبير بين واحد مش عايز يخسرك وواحد مستخسرك !!... وده اسمه فرق السماء عن الأرض !.....الإنسان اللى مش عايز يخسرك هو بنسبة كبيره عارف قيمتك وغالبا بيحترمك ومستوعب شخصيتك بحلوها كانت او مرها ... وعارف مساحته وحدوده فى حياتك ... ويفرح لفرحك ... ويهمه قبل اى شىء راحتك ... بالبلدى شاريك وباقى عليك .
أما بانسبة للباشا اللى مستخسرك...هو كمان عارف قيمتك كويس جدا وبتزعجه... وتتعبه راحتك... ولا يعمل للاصول اى اعتبار .. ولا يحترم حدوده فى نظرته لك ... انطبعاته عنك تتشكل على هواه... هواه اللى بيتحكم فيه ثقافته وخبراته ومعاناته من مركبات نقصه فى الحياه .. بمعنى إللى مستخسرك ينظر اليك من خلاله هو وبس!.... ومش بعيد يضغط على الناس اللى واقفه فى صفك ويقطع علاقتك بيهم !!! ...غالبا ملامح حياته معاك ومع غيرك معظمها عبارة عن صدام ثقافات ! ... ويا ويلك ويا سواد ليلك لو رفضته وقفلت فى وشه الباب!! .... يكسر الباب على دماغ اللى فيه... ويقحم نفسه فى حياتك غصب عنك !! .. وما تستنكرش وتقول ما يقدرش !! .. اصل مبدأ الشخصية المتعبة "العيار اللى ما يصبش يدوش ويأرف" ! ..وتستغرب لما تكتشف انه بيسعى جاهدا انه يشتغلك !! ... اه يشتغلك! .. انت اصبحت بحب الناس لك.. شغله الشاغل ! ... وراحته لما يقلب الترابيزه عليك !!... ببساطه انت موضوع شكوته من البشرية !!... يمسك فيك ويتسبب لك فى مشاكل مع اللى حواليك.... وتنزعج منه لما تكتشف ان اسلوبه فى حياتك اسفه فى التعبير مثل حشرة الأوراد اللى مش عايزه تسيبك الا لما تمص دمك!!... ولو عرف انك مبسوط بنفسك يسعى يطلعك غلطان حتى لو يألف له قصص عليك ويصدقها بخياله المريض ..بأختصار مش هتخلص منه !!!.... وهتبقى انت سبب قلقه!!.... وسبب رفض الناس ليه!!... مع انه عارف ان اسلوبه مرفوض من زمان ومن ناس كتير و من قبل ما يقابلك !! ..وتتعجب ليه انت بالذات قرر يمسك فيك؟!.... ببساطه لأن مواقفك الرائعه معاه نتيجتها عكسيه انت فكرته بعقده فى الحياه "قلبت عليه المواجع يا محترم" !! خد بالك الفضيلة بدون حكمة رزيله.... حضرتك اشرقت عليه ومن غير ما تشعر خليته شاف بخته المايل وتخيل طبعا ان انت السبب بنورك مش بتصرفاته اامخزيه ؟!.... هو ابدا مش بينظر لنفسه ...هو محترف فقط ينظر على اللى فى ايد اللى حواليه ! ... ومع نجاحك المستمر هتصبح انت بالنسباله سبب زحمة الطريق ووقفت الحال وتعطيل مصالحه!!!.... عارف الحبايه اللى بتطلع فى صوابع الرجلين!! معاك انت بالذات الحبايه ديه طلعتله فى دماغه !!!.. بإخنصار اللى مستخصرك بيستخصر فيك كل حاجة حلوه لان المبدأ واحد وما يتجزأش!... وصدق فيه يوم هيسيبك فيه .. لما يقدر يقلب الناس عليك وتزيد خسايرك وحبايبك تكرهك!!! .... هنا هيستريح ويشيلك من دماغه بعد لا قدر الله ما تفقد نقاط قوتك سواء معنوية كانت او ماديه... طيب ايه الحل؟! ....خليك شاطر ... الشطاره فى وعيك باللى بيحصل حواليك والذكاء الاجتماعى يبدأ من عندك... أتفرس كويس جدا فى الناس اللى بترحب وتبدى استعدادها للدخول فى حياتك افرزهم بتركيز وعقلانية ويستحسن من على الباب ....ركز جدا فى نغمة كلامهم واللغة الجسدانية..... ويفضل تشغل العقل مع العاطفة يعنى ما يصعبش عليك غالى!!... لان فى اشخاص تحترف اسلوب "الصعبانية" وتدفعك دفع تتعطف بكرم عليهم وتكون النتيجة " اتقى شر من احسنت اليه"!! .. ببساطه استعين بالوعى واوزنها بالعقل.... واعرف ان الإنسان المتصالح مع نفسه كلامه معظمه ايجابى برغم همومه فى الحياه... وده دليل يأكد انه يمتلك الرضى والقناعه وبالتالى سهل يرضى عن غيره ويحترم حدوده... أما الشكاى معترض على طول الخط وكل حكاويه يغلب عليها السلبيه!! وكأن هو إللى عنده معاناه مع ان كل الناس عندها مشاكل ومعاناه والفرق هنا فى الرضى والشكر لله على كل الاحوال...... الخلاصه الجواب بيبان من عنوانه... اللى مستخصرك لو طلب مساعدتك يفضل تساعده من بعيد لبعيد... ومن غير ما يعرف انك بتساعده عشان ما تفكروش بقلة بخته وعند اول فرصه يتجرأ عليك بتصرفاته المرضيه!!.... اتعلم تلقط طبيعة الشخصية وهى طايرة هتوفر على نفسك الصداع... وقرر مين يدخل حياتك ومين عنده السلام هو الختام..... ليس كل حد منبهر بيك بيحبك ويتمنالك الخير ... نجاحك مفرح للناس السويه المتصالحة على نفسها وعلى الدنيا. المؤمنه بعدل الله... واعرف ان فى ناس تانية نجاحك يقلبهم عليك ... ناس رافضه حياة المحبة الراقيه وبالتالى تفتقد القدرة على تقديم الحب حتى لو انت كويس وتستاهل !!! ... إللى مستخصرينك بيستخصروا فيك!!! وحجتهم ان انت اللى عندك كتير و.كفايه عليك!!!ونسيوا ان ربنا هو إللى بيهب النعم وهم مجرد سبب .. ودورك معاهم تدعيلهم لانهم حقيقى مساكين!... ومع شخصياتهم متخاصمين !... ومن أنفسهم زعلانين!... بإختصار تأكد ان إللى بيتعبوك من قبلك وهما تعبانين ومش مرتاحين !!... ادعى لهم ربنا يسهل لهم ويرزقكم بعيد عنك ... عشان راحة البال لا تشترى بالمال .
