إلهام شاهين تتراجع عن انتقاد علاقة كريستيانو وجورجينا : «همّا أحرار»

أثارت الفنانة الكبيرة إلهام شاهين، جدلًا واسعًا عبر مواقع التواصل الاجتماعي، بعد انتقادها العلاقة التي تجمع لاعب كرة القدم الشهير كريستيانو رونالدو، وصديقته جورجينا رودريجيز ، واصفة علاقتهما بـ «الشو».

وقالت «شاهين» خلال لقائها ببرنامج «ET بالعربي”: «كلموني في مداخلة قالولي إيه رأيك الحب يبقى معلن ولا يبقى شيء خاص؟ قلت أكيد يبقى شيء خاص، أنا معرفش جورجينا، لكن السؤال كان ليا، إيه رأيك الحب يبقى معلن ويبقى معمول بشكل شو؟ قلت لأ ده شيء خاص بين الطرفين، وأنا مبحبش الشو ده، وهما حرين دي حرية شخصية، يعملوا في بعض اللي هما عايزينه، مش من حقنا نعترض”.

وأضافت: «أنا قلت كدة في أول كلامي، مش من حق حد يعلق عليهم، لكن لو بتسأل بشكل شخصي انتي بتحبي الشو ده، قلت أنا مش بحب الشو والحب المبالغ فيه”