«ظروف طارئة».. حسام داغر يُجري عملية جراحية ويطلب الدعاء
تعرض الفنان حسام داغر لوعكة صحية شديدة خلال تواجده في جورجيا تتطلب اجراء عملية جراحية كبيرة في مصر.
وكشف "داغر" كواليس ما حدث وكتب عبر حسابه على موقع التواصل الإجتماعي "فيس بوك": "مبحبش اتكلم كتير في حاجه تخص تعب عندي أو اشكي لحد وبحب دايمًا الناس تشوفني مبسوط زي ما بحب اشوفهم مبسوطين.. أنا جيت من السفر امبارح بس كنت مصاب بجرح كبير في رجلي وأنا في جورجيا ودخلت بسببها المستشفي الألماني هناك عملوا جراحة سريعة".
وتابع: "افتكرت الموضوع هيخلص علي كده بالمتابعة لكن بعد كام يوم لقيت الموضوع بيكبر ومخلصش ومضطر أعمل عملية النهاردة في مصر بعد ما رجعت وقالولي الحالة طارئة وللأسف العملية بنج كلي والمتابعة بعدها أهم لضمان نجاح العملية.. قلت الحمد لله وأنا مؤمن دايمًا إن قضاء الله أخف وأحن من أي حاجه تانية وأكيد ده الأفضل لأني واثق إن ربنا بيختارلي الأفضل".
وأكمل، "بطلب منكم الدعاء بس لتخفيف أي آلام وبشكركم أنا بس حبيت أشارك لحظات ضعفي زي لحظات فرحي لأني إنسان طبيعي بشعر بالخوف والضعف زي أي إنسان وبمر بفترات مختلفة بس علطول بقول الحمدلله علي كل شيء.. الحمد لله في السراء الحمدلله في الضراء الحمدلله عل كل حال".
جدير بالذكر أن آخر أعمال حسام داغر مسلسل "حي السيدة زينب" بطولة سوسن بدر ودينا ومحمود عبد المغني، وأحمد وفيق وليلى عز العرب وحسام داغر، ومن تأليف أحمد صبحي وإخراج محمد النقلي.
