بملابس الإحرام.. عمر كمال يزلزل السوشيال: «كل حاجة طلبتها من ربنا حققهالي»

أدى مطرب المهرجانات الشعبية عمر كمال، مناسك العمرة فى الأراضى المقدسة، خلال تواجده بالسعودية لإحياء حفلتين غنائيتين ضمن فعاليات موسم الرياض فى دورته الثانية.

وكتب "كمال" عبر صفحته الرسمية على موقع التواصل الاجتماعي "فيس بوك"، منشور قائلًا: «بوست هكتبه عشان اختم بيه اليوم الحلو ده».

وقال مطرب المهرجانات الشعبية، "في شهر 1 السنة اللى فاتت 2020 .. كان عندى شغل في جدة، وكنت لسه مش معروف زى دلوقتى خالص، وربنا كتبلي وعملت عمرة .. وقتها كان قبل شهرين من الكورونا، قبل الدنيا ما تقفل كلها.. المهم روحت وقعدت قدام الحرم ودعيت ربنا بكل حاجة نفسى فيها.. قولتله يارب نفسى أخش السعودية بدعوة رسمية، وأجى مهرجان كبير وصوتى يبقى مسموع.. قولتله يارب نفسى أركب عربية كذا.. قولتله يارب نفسى أسكن في المنطقة كذا.. قولتله نفسى ونفسى ونفسى ونفسى.. وأقسم بالله مفيش حرف واحد طلبته ألا وأتحقق أكتر من اللى طلبته وزيادة"

وأضاف، "والسنة دى روحت السعودية تانى بوضع تانى وفي ظل كل الظروف والعقبات ربنا كتبلى تانى أروح وأزور الحرم.. اللهم لك الحمد والشكر يارب ودعواتى المرة دى تتحق كلها وأجى السنة الجاية بدعوات جديدة".

وكان المطرب عمر كمال، حرص على دعم حسن شاكوش، فى أزمته الحالية مع نقابة المهن الموسيقية، بعد إصدار قرار نهائى بسحب ترخيص الغناء منه ورفض محاولات الصلح معه، حيث نشر عمر كمال فيديو قصير عبر حسابه بموقع "فيس بوك" تهنئة من حسن شاكوش لعمر كمال بعد كليب أغنية "ضيعنا" التى يغنيها ديو مع المطرب عبد الباسط حمودة، وعلق عليه عمرو كمال "شاكوش مصر.. حبيبى وروح قلبى وشريك نجاحى.. بإذن الله فترة وتعدى وهترجع تكسر الدنيا تانى".

وأردف: "أنت نص أغانى أفراح مصر إنت اللى عملتها وفرحت كل الناس ومينفعش فرح ولا حفلة يشتغل إلا وصوتك فيها.. بحبك من قلبى".