كلمات نارية لممثل مشهور حول ما يحدث في الساحل الشمالي

تداول رواد مواقع التواصل الإجتماعى مؤخرًا تدوينة للمخرج زكي فطين عبدالوهاب يهاجم من خلالها رواد الساحل الشمالي والجونة، معتبرًا أنهم يميلون إلى «الفشخرة والتعالي»، على حد قوله.

وكتب "فطين" عبر حسابه على موقع التواصل الإجتماعى "فيس بوك": «أنا عندي 64 سنة.. جيل الستينات عشان أكون واضح.. أنا مش عارف ولا فاهم إيه الفشخرة والتعالي اللي عايشين فيه رواد الساحل الشمالي والجونة الأيام دي».

وأضاف: «أنا أنتمي لعائلة غنية ومشهورة.. ومع ذلك كنت بركب الميكروباص من جاردن سيتي لنادي الجزيرة.. وبناكل كشري في باب اللوق ودي كانت متعة بجد.. عشان بنحتك بالطبقة الحقيقية للشعب».

وتابع قائلًا: «أخويا لما دخل الجامعة أمي جابتله عربيه فيات 128، مع إنها كانت ممكن تجيبله عربيه مرسيدس، والمصيف كان بين 3 أماكن: المعمورة والمنتزه وبيانكي العجمي، والخدم كانوا بينزلوا معانا بعد فترة الغدا في نفس الشاطئ اللي كنا بننزل فيه».

واختتم: «عمري ما شوفت البذخ والتعالي والألاطة اللي بشوفها اليومين دول، الناس كانت أبسط بكتير، على فكرة أنا مش ناصري النزعة، أنا بس عشقت الفترة دي ولسه عايش على ذكراها».