«معنديش أي فكرة أنت مين».. فنانة أمريكية ترد على تنمر محمد هنيدي عليها

ردت الفنانة تايلورستين جولد على التدوينة التي نشرها الفنان محمد هنيدي، عبر موقع التواصل الاجتماعي "فيس بوك"، والتي سخر فيها من وجه الشبه بينها وبين الشخصية التي أداها بفيلم «جاءنا البيان التالي».

وقالت: "أهلًا.. أنا البنت اللي في الصورة. عملت لوك مستوحى من النجمة مايلي سايروس؛ وكنت فخورة بيه. اللوك ده مش مستوحى منك، أنا ما عنديش أي فكرة أنت مين. أنا عايشه في أمريكا".

وأضافت" أنا مسحت البوست وعملتلك بلوك عشان أنا حامل في الشهر الـ٨ وصحيت من النوم على أكتر من ٣٠٠٠ رسالة كـراهية وشتـايم بخصوص البوست، الناس بيبعتوا يقولولي إني وحـشة، راجـل، عـاهرة، اللعـنة عليك، وشتـايم أكتر بكتير".

وتابعت "لأنك نشرت ده.. مش بس حسابي الشخصي اللي بيتعرض للهجوم، ولكن كمان حساب شغلي اللي تعبت كتير عشان ينجح، أنا أم.. فنانة.. امرأة كبرت من ولا حاجة وكنت بلا مأوى وعافرت بنفسي عشان أوصل للمكان اللي أنا فيه دلوقتي، أنا ما أستحقش الشتايم اللي الناس بتشتمني بيها دي".

وقالت: "النهاردة حسيت بالطاقة دي وقت ما عملت أشعة فوق صوتية 5D لبنتي ولقيتها مش بتتحرك كتير زي المعتاد، أتمنى الرسالة دي تخليك تنشر اللطف وتساعد في إنهاء التنمر".

واختتمت: "أنا بعاني من اكتئاب واضطراب قلق وملازمة السرير بسبب قرب معاد ولادتي ولأني فشلت في اختبارات الإجهاد؛ اللي حصل ده ما عملش حاجه غير إنه زود وجع قلبي".

وكان قد نشر الفنان محمد هنيدي صورة للفنانة بجانب صورة لشخصية امرأة قد مثلها بفيلم "جاء البيان التالي" مع السخرية من وجه التشابه وقال "بعيد عن الشبه بس ليه ادخل بروفايلها علشان أعرف مين دي الاقيها مدياني بلوك"، وسخر منها قائلًا "يلااا ما هي الكيميا كدشة غدارة".