نادية الجندى: دلال عبدالعزيز وسمير غانم كانوا البسمة الحلوة

قالت الفنانة نادية الجندى أن دلال عبدالعزيز هي فنانة من فنانات الزمن الجميل الملتزمات، وبحب فنها جدًا وهى كانت بتحترم جمهورها وعائلتها وكانت صديقة للجميع ومحبة للجميع.

وأضافت "الجندى" خلال تصريحات تليفيونية، "عمرنا ما سمعنا عنها مشاكل ولم تخض حروب أو صراعات من صراعات الوسط الفني زى كثير من الفنانات اللى كانت دائما ف صراعات وتؤذى زملائهم دلال وسمير كانوا النسمة الحلوة والبسمة الحلوة في الوسط ودلال تحس إنها اختك أو حد من عيلتك، وسمير تحس إنه حد قريب منك ودى حقيقة".

وتابعت: دول من الفنانين القلائل اللى غيابهم فعلا خسارة كبيرة للوسط والفن ولزملاؤهم وعلشان تلاقى فنان وعلى خلق ده قليل جدا لما تلاقيه النهاردة دلال وسمير كانوا على خلق علشان كده نظرة الحزن من الناس حقيقية، والناس حزنت عليهم بالفعل والجمهور ما ينضحكش عليه، دلال وسمير عمرهم ما لبسوا ماسكات وكمان أولادهم متربيين على الخلق دى والفنانين دول مش هيتعوضوا تانى، لكن عاوزة أقول ان الفنان الحقيقى بتفضل سمعته خالدة وفنه باقى.