إيمان السيد تسخر من كونها آنسة سنجل
سردت الممثلة إيمان السيد موقف كوميدى جمعها مع موظفة خدمة العملاء بأحد البنوك التى تتعامل معها، وذلك على صفحتها الشخصية بموقع التواصل الاجتماعى فيس بوك.
وتقول إيمان "بعتولي كتير في البنك علشان اروح احدث بياناتي وبصرف النظر عن ان بياناتي زي ماهي روحت لان البنك قريب من البيت وقعدت قدام موظفة خدمة العملاء واديتلها البطاقة (اللي انا لسة مجدداها أصلا )
فسألتني بكل هدوء ويبدو علي ملامحها سلام نفسي غريب وتصالح ذاتي مع قوة الطبيعة وعناصر الكون الخمسة وقالتلي :اسم الزوج إيه ؟
- قولتلها حبيبتي البطاقة معاكي ومكتوب فيها آنسة
قالت لي بس احنا مطلوب مننا نعرف اسم الزوج
*لحظة صمت اعقبها تساؤلات وجودية كتير
- كيف بدأ البنك ؟
-أكاد أشك في بنكي !
- ليه يا دنيا الواحد بيحدث بيانات ثابتة
قطع لحظة الصمت دي صوتها وهي بتقولي خلاص انا هشوف حل للمشكلة دي !!
-أنا لحد اللحظة دي ماكنتش اعرف ان عندي مشكلة
وقالتلي خلاص انا كتبتلك في الخانة (سنجل)
قولتلها بس (سنجل) دي تحتمل كذا حاجة
ان الواحدة مثلا تكون أرملة أو مطلقة أو اتخلصت من جوزها بطريقة لايعاقب عليها القانون
بصتلي بصة احرجتني أخدت بعضي وقومت، ولسان حالى وفى حالة الذكريات حط نفسك فى السناجل".
⇧
وتقول إيمان "بعتولي كتير في البنك علشان اروح احدث بياناتي وبصرف النظر عن ان بياناتي زي ماهي روحت لان البنك قريب من البيت وقعدت قدام موظفة خدمة العملاء واديتلها البطاقة (اللي انا لسة مجدداها أصلا )
فسألتني بكل هدوء ويبدو علي ملامحها سلام نفسي غريب وتصالح ذاتي مع قوة الطبيعة وعناصر الكون الخمسة وقالتلي :اسم الزوج إيه ؟
- قولتلها حبيبتي البطاقة معاكي ومكتوب فيها آنسة
قالت لي بس احنا مطلوب مننا نعرف اسم الزوج
*لحظة صمت اعقبها تساؤلات وجودية كتير
- كيف بدأ البنك ؟
-أكاد أشك في بنكي !
- ليه يا دنيا الواحد بيحدث بيانات ثابتة
قطع لحظة الصمت دي صوتها وهي بتقولي خلاص انا هشوف حل للمشكلة دي !!
-أنا لحد اللحظة دي ماكنتش اعرف ان عندي مشكلة
وقالتلي خلاص انا كتبتلك في الخانة (سنجل)
قولتلها بس (سنجل) دي تحتمل كذا حاجة
ان الواحدة مثلا تكون أرملة أو مطلقة أو اتخلصت من جوزها بطريقة لايعاقب عليها القانون
بصتلي بصة احرجتني أخدت بعضي وقومت، ولسان حالى وفى حالة الذكريات حط نفسك فى السناجل".
