سونيا الحبال تكتب: شوار البنت

الست اللي بتساعدني عماله تحكيلي علي زوجه حد من قرايبها ..بتقولي ست جاحده مش بتحب غير نفسها وبس عايشه لنفسها وبس عمرها ما وقفت جنب جوزها ولا حتي ربت عيالها كويس ..كل اللي يهمها الفلوس وبس هيا واهلها ..وبعدين قالت كلمه غريبه اوى ( اهلها مشورهاش كويس يا استاذه )

قولنلها يعني ايه ..قالتلي عندنا في الفلاحين بيقولوا علي جهاز البنت اللي بيحضروه اهلها ليها قبل الجواز ( شوار)



بقولها اه يعني تجهيزها مكنش كويس كانوا بخلاء مثلا ..



قالتلي حكمه بليغه ..قالتلي انتي فاكره يا استاذه الشوار ده لَبس وملايات وسجاجيد وحلل وستاير ..لا يا استاذه ..شوار البنت الحقيقي هيا تربيتها واصلها وفصلها وعينها المليانه ..كرامتها وحبها لبيتها وولادها وجوزها ..لما تعرف تبقي جدعه وبمليون راجل مع جوزها وقت اي ازمه ..

شوار البنت يا استاذه مش شويه عفش ..شوار البنت الاساسي تربيتها واخلاقها ..

الحكمه من الناس البسيطه راااائعه ..

#عيشوها_صح



وايضا.. https://www.facebook.com/anahwa2019/