سونيا الحبال تكتب : الشيطان شكله ايه ؟

سؤال طالما سألته لاصحابي وكانت الاحابة تقريبا واحده ..شكله وحش ..مين قالكم ان الشيطان شكله وحش وله انياب وعنيه شريره وليه قرنين يخوفوا ..وايديه زي الدبش ورجليه مفلطحه..ازاي بترسموه كده ...؟

طيب هقولكم سر فظيع ..

الشيطان شكله حلو جداااا..قمر كده في نفسه وكيوت ودمه زي السكر ولسانه بينقط عسل ..

هو انتي شوفتيه ؟؟؟؟

اه

شوفتيه ؟؟؟؟؟؟؟؟؟؟

ااااااه شوفته

هو انا اما اجى اقنعك بالغلط باشخط فيك ...

هو انا لمًا اجى اقربلك الشر عشان تعمله بقولك لا ده وحش !!!

هو انا عشان ابقي جنبك ومعاك واخليك تنفذ كل اللي اقولهولك مش بقولك كلام زي الفل ...

هو انا عشان تقتنع بكلامي مش بعمل نفسي حلوه وجميله وغلبانه وكيوت وكام دمعه نازله منً عنيا عشان تقتنع !!!!

هو ده الشيطان يا جماعه ..

طيب بصوا كده كل اللي حواليكم فكروا في اكتر ناس آذيتكم ..هتلاقوهم شكلهم حلو اووووووى وطريقه كلامهم راااائعه ..

اما بتكتشفهم علي حقيقتهم بتشوف شكلهم وحش اوى مهما كان جمالهم ...

عرفتوا شياطين الانس شكلهم ايه !!!

عرفتوا بيعملوا ايه عشان ياذونا بكل ما يملكوا ..

عرفتوا شكل الكلمه الحلوه اللي وراها خبث..

عرفتوا الشكل الحلو اللي وراه كراهيه ...

عرفتوا الضحكه المميزه اللي بعد كده بتلاقيها ضحكه صفرا وراها نية الشر ..

عرفتوا ان الشيطان شكله احلي بكتير من اللي بترسموه وبنشوفوا في الافلام ..

خللوا بالكم من الحلوين اللي بجد واللي عامل نفسه حلو

#عيشوها_صح