تعرفي على طريقة عمل فراخ الباربيكيو والعسل النتيجه وهمية ..بالهنا

المكونات :



١دجاجه حجم كيلو مقطعة قطع صغيره ١ملعقه كبيره بابريكا



١ملعقه كبيره ملح



١ملعقه كبيره رز ماري



١ملعقه كبيره توم باودر



١ملعقه كبيره فلفل اسود



١ملعقه كبيره بهارات دجاج



١كوب دقيق



٢ملعقه كبيره نشا



٦ملعقه كبيره صوص باربيكيو



٢ملعقه كبيره عسل نحل ابيض



١ملعقه كبيره صوص حار



ويمكن استبداله بالكاتشب



١ملعقه كبيره زبده



الطريقة :



هنتبل الفراخ وبنص البهارات ونغطيها ونسيبها فالتلاجه مش اقل من ساعتين ولو اكتر يكون احسن ..



هنجيب بوله ونحط فيها كوباية دقيق والنشا ونص البهارات الباقي ونقلب كويس ..



نخرج الفراخ من التلاجه ونغطيها بالدقيق وننفض قطعة الفراخ من الدقيق كويس ..



نسخن طاسه فيها زيت غزير وننزل الفراخ تحمر تاخد لون ذهبي مقرمش نطلعها علي ورق مناديل مطبخ تنشف من الزيت ..



نجهز الصوص في طاسه علي النار هنسيح الزبده علي نار هاديه خالص ولما تسيح ننزل بصوص الباربيكيو والعسل والهوت صوص ونقلب كويس لحد القوام مايتجانس واول مايظهر فقاعات نطفي عليه وكده يكون جاهز



هننزل بالصوص علي الفراخ ونقلبها كويس وكده جاهزه وممكن نكتفي بالخطوات دي ..



انا بحب ارجع اخليها مقرمشه برصها فصينية فرن وادخلها تحت الشوايه ١٠ دقايق بتفرق جدا فاللون والطعم ..



واطلعها من الفرن جاهزه للتقديم وبالهنا والشفا