”انا حوا” يكشف السبب الحقيقي وراء أزمة صبحي كابر.. نهاية مأساوية

أشعلت أزمة مطعم صبحي كابر الشهير لغزًا كبيرًا ومواقع التواصل الاجتماعي خلال الأيام القليلة الماضية، وذلك بعد الإشارة إلى بيع المطعم في ظل ظروف وُصفت بـ"القهرية" دون توضيح تفاصيل.

بداية الأزمة

بدأ الأمر بمنشور مفاجئ على الصفحة الرسمية للمطعم على موقع فيسبوك، أعلن فيه عن بيعه لظروف قهرية، ومنذ ذلك الحين، انطلقت شائعات وتكهنات حول أسباب البيع والمستقبل الذي ينتظر المطعم الشهير.

صفقة بيع المطعم

تفاجأ عشاق مطعم «صبحي كابر» بمنشور رسمي يفيد بأن المطعم لم يعد ملكًا لمؤسسة الحاج صبحي كابر، وقد تمت صفقة بيع المطعم بمبلغ 300 مليون جنيه، وأن الملاك الجدد هم «أولاد الإمام»، الذين يعملون في تجارة السيارات.

هذا الإعلان أثار حيرة الكثيرين، خاصةً أن المطعم يعتبر من أشهر المطاعم الشعبية في القاهرة ويجذب الزبائن من مختلف المناطق.

وأكد بعض العاملين في المطعم أن «صبحي» باع المطعم قبل حوالي عام، لكنه استمر في إدارة بعض المحلات الأخرى مثل محلات الجزارة، والخلاف الذي نشأ بينه وبين الملاك الجدد كان حول تغيير اسم المطعم، مما أدى إلى تصاعد التوترات بينهم.

وقال المحامي مصباح القربة، في منشور له على «فيسبوك» أن صبحي كابر كان لديه شركاء في المحل، وأنه بعد أن حقق نجاحًا كبيرًا قرر التوسع وفتح فروع جديدة، ومع ذلك نشأ خلاف بسبب رغبة الملاك الجدد في إدارة المحلات الجديدة بشكل مستقل عن صبحي كابر.

ردود الفعل

تفاعل رواد مواقع التواصل الاجتماعي بشكل كبير مع خبر البيع، حيث انتشرت التعليقات والآراء المتباينة، فالبعض اعتبر أن هذا البيع هو نهاية تاريخ مطعم شهير، بينما رأى آخرون أنه خطوة نحو التوسع والنمو تحت إدارة جديدة.

أحد العاملين بالمطعم أكد أن العمل مستمر بنفس الطاقم وبنفس الجودة التي اعتاد عليها الزبائن، مشيرًا إلى أن صبحي كابر باع المطعم برغبته.

تسريح العمال

مع انتشار الأخبار حول إغلاق المطعم وبيعه، انتشرت شائعات عن تسريح العاملين، لكن مصادر مقربة من المطعم أكدت أن العمل يسير بشكل طبيعي وأن جميع الموظفين مستمرون في عملهم دون أي تغييرات، كما أكد أحد العاملين في تصريخ خاص أن «المعلم صبحي» ليس شخصًا يمكن أن يتعرض للغدر أو الخداع.

صبحي يرد

يقول صبحي: أنا بحب الشقى وبحب أشتغل ومش عايز عيالي يشوفوا اللي شوفته، عايزهم يرتاحوا، بجيب وأشتري ذرة لتسمين وكعلف للمواشي التي أمتلكها في مزرعتي، ممكن أجيب 500 طن ذرة، والحمد لله المرزعة فيها 4 أو 5 آلاف رأس، المهم فيه شخص جاء لي وقال: الذرة دلوقتي بـ 4 جنيهات للكيلو، والذرة سعره هيزيد عشان كانت لسه الحرب الروسية الأوكرانية في بدايتها، وقال لي الذرة سيرتفع سعره كثيرًا وسيتخطى 6 جنيهات للكيلو، يعني هنعمل فلوس أد كده، وأنا طمعت.

وأضاف "كابر": معايا قرشين وبعت ذهب زوجتي وبعض الممتلكات واستلفت فلوس من جماعة أصدقاء لي، ودخلت في موضوع مركب الذرة، وبالفعل هذا الشخص حصل على الفلوس مني، أستنى الذرة ييجي بكرة ييجي بعده، طلع ناصب على نص مصر كلها وخلع وراح دبي.

وأوضح صاحب المحلات الشهيرة: قلبت عليه الدنيا ويمين وشمال وأفلام وقصص وهنا وهنا، وبقى يهرب مني هو وأخوه وإحنا منعرفش حاجة، قلبت عليه الدنيا في دبي عن طريق شيوخ أعرفهم، معرفتش أوصل له من الآخر، المهم خدت من الناس فلوس كتير، والمحل بعدها اتحرق وقامت حريقة، احتجت فلوس تاني عشان أوضب، وكان علي فلوس، وكانت مرحلة قاسية جدا.

وتابع صبحي: المهم دخلت في الشغل واستلفت، وصلت لـ 75 مليون جنيه سلف من الناس، عملوا فائدة بقوا 125 مليون جنيه، وبعدها عرضت المحل للبيع.

وأكمل صبحي: كلمت صاحب براند شهير في المطاعم عشان يشتري المحل، وكان لهم فلوس عندي، دخلوا وخدوا المحل، واتفقنا وعملوا شركة سموها الأكابر رغم إن شركتي اسمها الكابر، واختلفنا روحت اتخانقت معاهم.

وأوضح صبحي: طب المواشي اللي عندي في المرزعة دي أعمل فيها إيه؟ وأنا محتاج مصاريف للمزرعة يوميا، اتفقت معاهم ياخدوا لحمة للمحل من عندي، بقى يجيب نص اللحمة من برة والنصف الثاني مني، وقالي متتدخلش، وبقيت كومبارس في المحل، أروح أعمل فيديوهات ليهم، وبقيت شغال معاهم، عشان عندي دورة للمزرعة، وقلت ربنا له حكمة، يذل من يشاء ويعز من يشاء، مش مهم وعادي، المهم صحتي وعيالي وخلاص.

وأكمل صبحي في حديثه: المهم اشتغلت معاهم في العيد شغل "معجنة"، ندبح 100 عجل، وأديهم اللحمة بـ260 جنيها للكيلو "متشفي"، وهم يبيعوها بـ360 جنيها، ويقولولي تعالى اعمل فيديوهات، والناس اللي كانت شغالة معايا بقوا يعاملوني وحش وجابوا جزارين من برة، مش زي الأول بقى المعلم صبحي جه المعلم صبحي راح.

وأوضح كابر: جه بعد العيد قطع معايا، بقى يجيب لحمة وخامات من برة، أنا متفق معاك على عقد إدارة، قطع مني اللحمة وحتى الخضروات، وأنا عامل كل ده عشان المحل، وبقى يشتري من برة، ويقعدوا يفاصلوا معايا.

وشرح صبحي كابر: المهم الصفحة دي بتاعتي أنا قمت واخدها وقفلت تليفوني وقولتله هفتح محل لي.. ده كل اللي حصل، ودي الحقيقة.