شيرين عبدالوهاب توجه رسالة لشقيقها: «آسفة بعتك بأرخص تمن».. والأخير يرد
تقدمت المطربة شيرين عبدالوهاب باعتذار رسمي إلى شقيقها محمد عبدالوهاب بمنشور عبر حسابها الرسمي بتطبيق «انستجرام»، وذلك بعد تفاقم الخلافات بينهما خلال الفترة الماضية.
ونشرت شيرين عبدالوهاب صورة لها مع شقيقها، وعلقت عليها قائلة: في ناس كتير مش عارفين سبب الزعل مع أخويا، عشان في يوم خيرني بيني وبين اللي كنت متجوزاه، ولإن ربنا أمر الزوجة بطاعة زوجها فأنا قررت إني أرضي ربنا».
وأضافت شيرين في منشورها: أنت صح وأنا آسفة على كل حاجة قلتها ليا وأنا معملتش بيها لإني بعتك بأرخص التمن، ياريتني كنت سمعت كلامك يا غالي.
وبدوره رد محمد عبد الوهاب على منشور شقيقته قائلا: أولا انتي أختي الكبيرة وأمي التانية، وأنا تحت رجلك، مفيش أم وأخت كبيرة تتأسف لابنها، أنا تحت رجلك وانتي تاج رأسي، أنا بس بعدت عشان أصون كرامتي، والمشاكل مكنتش مشاكلك انتي، كانت مشاكل حد تاني جمبك الله يسهله، المهم عندي إنك تقفي على رجلك وتكسري الوطن العربي كله كعادتك، وانتي بالفعل كسرتي الدنيا، ربنا يحفظك ويحفظ بناتك.
