”الغيطي“ ينعي الفنان تامر ضيائي

تقدم الكاتب والإعلامي محمد الغيطي رئيس تحرير موقع «أنا حوا»، بخالص العزاء والمواساة في وفاة الفنان الكبير تامر ضيائي، الذي وفاته المنية اليوم الأربعاء بعد صراع طويل مع المرض استمر لأشهر عديدة، عن عمر يناهز الـ 50 عامًا.

ونعى ”الغيطي“، ببالغ الأسى والحزن وبقلوب مؤمنة بقضاء الله وقدره الفقيد، داعيًا الله عز وجل أن يتغمده بواسع رحمته وأن يسكنه فسيح جناته ويلهم أهله وذويه والأسرة الفنية الصبر والسلوان.

وصية الفنان تامر ضيائي

وكان الفنان تامر ضيائي كشف عن وصيته قبل وفاته عبر حسابه على «فيس بوك»، قائلًا: «بوست الوصية ده هيفضل باين على صفحتي لحد ما أموت.. الحقيقة اللي كلنا عارفينها ومتأكدين منها إننا كلنا ربنا كتبلنا إننا نموت في ميعاد محدد غير معروف، وعشان كده كتبت الكلام ده لأنى محتاج حاجات معينه تتعمل وحاجات خايف تتعمل وأنا مش عايز حد يعملها لمجرد إنها معروفه، ووقتها طبعًا مش هعرف أقولها لحد».

وتابع تامر ضيائي: دي وصيتي صلاة الجنازة أهم من العزاء، وهى اللى كل ما العدد زاد كل ما ثوابى ما كان أكتر، فأرجوكم تصلوا عليا، مش شرط تيجى العزا وياريت لو إتعمل فى البيت أو مكان بسيط بفلوسه تطلعولى صدقة جارية أفضل، من فضلكم لم يثبت أو يتفق عليه عمل خاتمة قرآن للمتوفى إنها هتوصله، بس مثبت إن الدعاء والصدقة بيوصلوا للميت، فرجاء دى بالذات بلاش وإدعولى الوقت اللى هتقروا فيه جزء فضوا نفسكم وإقعدوا إدعوا فيه.