أول تعليق من والد سعيد صاحب واقعة الصفع من عمرو دياب: كان ضربه بالنار
قال أسامة والد الشاب سعيد صاحب واقعة الـ صفع من عمرو دياب، إن نجله تخرج من الكلية وذهب إلى العمل في أماكن الحفلات مع أصدقائه سعيا لأكل العيش، وموعد تجنيده في شهر 7 المقبل.
أول تعليق من والد سعيد صاحب واقعة الصفع من عمرو دياب: كان ضربه بالنار
وأضاف والد الشاب صاحب واقعة الصفع من الفنان عمرو دياب، في تصريحات له: محدش تواصل معانا، وأنا معنديش فكرة عن أي حاجة واحنا من الصعيد واتفضحنا في بلد ووسط أهالينا، لإن القلم عندنا حاجة وحشة خالص.
وواصل والد سعيد: اديني طلقة في قلبي ولا تضربني بالقلم، وإحنا هنروح نعمل محضر ضد الفنان عمرو دياب، مضيفا: ابني قاعد في الأوضة وقافل على نفسه ومش بيكلم حد، إحنا ناس صعايدة وهناخد حقنا بالقانون، وهعمل محضر دلوقتي.
وأشار: ابني بيشتغل في أحد أماكن الحفلات ويسعى على أكل عيشه بعدما اتخرج من الجامعة زي أي شاب، وشغال مع الناس بقالهم فترة ومفيش أي حاجة حصلت منه.
