شخص بيطردني من كل عمل.. راندا البحيري تكشف السبب وراء غيابها عن الساحة الفنية

حلت الفنانة راندا البحيري ضيفة على أحد البرامج التليفزيونية، وتطرقت للحديث عن العديد من الموضوعات منها ابتعادها عن الساحة الفنية مؤخرًا، وعن علاقتها بنجوم ونجمات الوسط الفني، إلى جانب مشاريعها الفنية خلال الفترة المقبلة، وكشفت عن العديد من الأسرار لأول مرة.

وعن السبب وراء ابتعادها عن الساحة الفنية قالت: "ساعات بنسمع عن ناس أشرار بنقول ايه ده لا يمكن يكونوا بيعملوا كده، وأنا ده اللي كان حصلي بالظبط لحد ما سمعت بودني وشوفت بعينيا، ساعات ببقى جوا الشغلانة وييجوا يقولولي بصي حصل إيه وساعات بيكلمهم وأنا قاعدة جمبهم كان بيمشيني من أي عمل وكنت بسمعه بيقول مفيش غيرها يعني واللي قدامه لو شايف انه مش هينفع يغيرني أو أنا أكتر حد استاهل الدور أو لأ خلاص ده رزقها، دماغه بتلعب برضه، وراح قعد في شركة من الشركات قعد فيها 3 أيام لحد ما مشيت من المسلسل".

وقالت أثناء اللقاء: "أنا بس عايزة انوه إن احنا في دولة قانون بنسبة مليار في المية وخاصة اليومين دول وخاصة في عهد سيادة الريس إحنا مفيش حد مبيعرفش ياخد حقه دلوقتي أنا بحترم جدًا قانون بلدي وعارفة كويس أوي إنها مش ميغة ومش أي حد يقدر يعملك أي حاجة".

آخر أعمال راندا البحيري

يشار إلى أن راندا البحيري شاركت كعضو لجنة تحكيم ويرأس لجنة تحكيم مسابقة الأفلام الطويلة، المونتيرة التونسية كاهنة عطية، وتضم في عضويتها النجمة الفنلندية ألما بويستي، والمخرجة وكاتبة السيناريو البولندية ياجودا شيلز، والمخرجة آيتن أمين.