إلهام شاهين: أجهضت طفلين ولو رجع بيا الزمن هعمل نفس الخطوة

قالت النجمة إلهام شاهين، أنها قابلت شخصيات حقيقة مصابة بمرض الزهايمر قبل تجسديها ذلك المرض في حكاية ألفريدو، المأخوذ من كتاب 55 مشكلة حب للدكتور الراحل مصطفى محمود، موضحة أنها تنصح نفسها بشكل مستمر بأنها تهتم بفنها لأنه كيانها وتخشى على بلدها لأفكار ليس من هويتها.

وتحدثت إلهام شاهين خلال تصريحات تليفزيونية عن إجهاضها لطفلين قائلة: "لو رجع بيا الزمن هعمل نفس الخطوة ومش ندمانة لكن مش قد المسؤولية ولحد دلوقتي.. بس خلاص فات الميعاد أنا مش هفكر في خلفة دلوقتي مينفعش أخلف خلاص.. مش عاوز أشيل المسؤولية خالص".

واستكملت إلهام شاهين، حديثها قائلة: "بموت في أولاد أخويا أنا بتاعت الوقت اللذيذ لكن نييجي للي بيعيط واللي تعبان واللي عاوز يغير أنا مليش فيها.. علشان كده أنا مقدرش على المسؤولية دي، ومحظوظة أني عندي صداقات كبيرة رجال ونساء بستفيد منهم ومن أرائهم بيحبوني وبحبهم وبتعلم منهم الصداقة دي شي عظيم في الدنيا".