علا غانم: راهنا على نجاح أولاد حريم كريم

تحدثت الفنانة علا غانم عن مشاركتها في فيلم أولاد حريم كريم، الذي عُرض خلال الفترة الماضية في دور العرض السينمائي، بجانب تعليقها على الانتقادات التي واجهها العمل.

وقالت علا غانم، تصريحات تليفزيونية: اللي عجبني في الجزء الثاني أننا راهنا على نجاحه أكتر من الجزء الأول، والجزء الأول كان قائما على صراع بين البنات مين اللي يفوز بالدونجوان بتاع الجامعة، والجزء الثاني في جيلين وبقى شكلنا جنبهم كبير إزاي، وعمق ومواضيع اكتر وأنماط مختلفة وكل شخصية كان عندها مشاكلها الخاصة اللي موجودة في مجتمعنا، وشايفة أن دي حالة نضج عند الممثلين والمخرج، وبقى في صراعات أكبر.

وأضافت علا غانم معلقة على الانتقادات التي واجهها العمل: أنا بشوف إن الفنان صفة من صفاته يكون حساس وإلا مش هيتقن الدور اللي بيقدمه، والفنان طول عمره من زمان وهو عنده درجة عالية من الحساسية، ولكن زمان كان بيواجه 5 مقالات انتقادات ولكن دلوقتي مبتنتهيش، والمفروض تنقي الألفاظ اللي متجرحش حد.

أبطال فيلم أولاد حريم كريم

وفيلم أولاد حريم كريم من بطولة الفنان مصطفى قمر، ويشارك به مجموعة كبيرة من الفنانين أبرزهم بشرى، علا غانم، بسمة، داليا البحيري، خالد سرحان، يوسف عمر، فؤاد محسن، تيام مصطفى قمر، رنا رئيس، هنا داوود، والعمل من تأليف زينب عزيز، وإخراج علي إدريس.