مصطفى قمر يفتح النار على ”الشناوي“.. انت شغلتك من أربع حروف
رغم نجاح فيلم أولاد حريم كريم بشهادة الجمهور وإيرادات شباك التذاكر، لكن فوجئ صُناع الفيلم بهجوم وسباب لا ينتهي ولا يَمت للنقد الفني أو العلمي بِصلة من طارق الشناوي حيث قال: «فيلم أولاد حريم كريم من أسوأ الأعمال الفنية على الرغم من أن مخرجه علي إدريس مخرج مهم، وزينب عزيز كاتبة مهمة، ولكن اللي عملوه ملهوش علاقة بالجزء الأول، ولا فن السينما اللي بنعيشه دلوقتي وتراجع لزمن ما قبل الجزء الأول، ومشكلة مصطفى قمر أنه عايش على الزمن القديم، وكتابة أولاد حريم كريم قديمة اوي والتفاصيل معدتش تجيب ولا تضحك، ومصطفى قمر افتقد الوهج وفق نجاحه وبيمثل الدور من غير حالة من الوهج والشغف، بيؤدي فقط حافظ مش حابب».
وأتى الرد سريعًا من الفنان مصطفى قمر الذي استنكر ما قاله طارق الشناوي ونهره بقوة دون أن يستخدم مفردات ”الشناوي“ المستفزة والخارجة عن المألوف حيث قال ”قمر“: «هو أنا مش طلبت منك تبعد عني أصلًا وماتتكلمش عني علشان ماتتهزأش، طيب أنت اللي جيبته لنفسك، عمومًا ياللي اسمك طارق أنت كاتب كلام أهبل يدل للمرة المليون إنك ماشفتش الفيلم، وعمومًا اللي حيرد عليك السينما، اللي دخل الفيلم اللي مالوش دعوة بالنفاق أو مصلحة أي فيلم تاني، فكرني كدة شغلتك ايه؟.. هي من أربع حروف بيتهيألي».
وسريعًا ما بدأ جمهور فيلم أولاد حريم كريم في مساندة الفنان مصطفى قمر في مواجهة طارق الشناوي بعد أكاذيبه عن الفيلم وصٌناعه، حيث وصف الجمهور تصريحات الشناوي بالافتراء والتدليس وتبديل الحقائق خاصة أن الفيلم حقق إيرادات كبيرة خلال أول أسبوع عرض وصلت قيمتها إلى 3 ملايين ونصف المليون جنيه.
وقال محمد في تعليق له على منشور الفنان مصطفى قمر: «يا فنان ميهمكش كلام المعرضـ ــين دول اللي خلاص راحت عليهم وبقوا يجروا ورا اللي يدفعلهم أكتر، الفيلم رجعلنا الضحكة من تاني، ولا عزاء للأقرع ابن طنط فاكيهة»، بينما قالت أسماء: «هي انت يا طاروق متعرفش تقول كلمة عدلة في حق شخص ناجح كله كدب كدب كدب ده»، بينما انهال حسين على طارق الشناوي بوابل من الشتائم حيث قال: «إنت لمؤخذه يا طأطأ بتقول كلام كدب وترد على نفسك مُنافــ ـق يعني ومعـ ــرض، في إيه تقول زينب كاتبة مهمة وترجع تقول الكتابة قديمة، بطل هــ ـطل بقى قرفتنا».
يُشار إلى أن النجمة بشري والنجمة علا غانم قد حرصن على مشاهدة فيلم "أولاد حريم كريم" مع الجمهور بالسينما ليلة أمس في مفاجأة أسعدت كل الحضور، حبذا بعد تفاعل الجمهور معهن بشكل كبير، كما حضر أيضًا عدد من النجوم الشباب المشاركين بالفيلم، من أبرزهم تيام مصطفي قمر، وكريم كريم، وهنا داوود، وفؤاد محسن.
وعقب انتهاء العرض حرص العديد من الحاضرين علي التقاط الصور التذكارية معهم وأشادوا بالفيلم الذي حقق إيرادات مميزة في أول أسبوع لعرضه بدور العرض السينمائي في مصر، حيث حقق الفيلم إيرادات وصلت إلى 3 ملايين ونصف المليون جنيه.
فيلم "أولاد حريم كريم" بطولة "مصطفى قمر، بشرى، داليا البحيري، بسمة، علا غانم، خالد سرحان، عمرو عبد الجليل، بالإضافة إلي مجموعة من النجوم الشباب من بينهم تيام مصطفى قمر، رنا رئيس، وهنا داود، يوسف عمر، كريم كريم، وتأليف زينب عزيز واخراج علي إدريس.
