تعليق عاجل من زوجة علي الحجار عن أزمة مشروع «100 سنة غنا»
في رد فعل سريع لها، وفي تعليق عاجل، تحدثت هدى زوجة الفنان على الحجار، عن دعمها لزوجها في أزمة مشروعه «100 سنة غنا»، قائلة: «أي حد يتخيل نفسه عنده مشروع مهم وبيحضر ليه وقاعد يشتغل عليه طول العمر، وفجاة حد يروح طالع بيه وعايز ينجح بيه واللي حواليه يدعموه بيه».
وأضافت هدى، في تصريحات إعلامية، قائلة: «يعني وجع قلبه عنده حق، وهنفضل وراه لغاية ما ياخد حقه، على لا بيخاف من حاجة ولا بيعمل حساب لحاجة إلا لربنا وشغله وضميره، مش هيضر ومش هيأذي».
وتابعت: «ليه بقول مش هيضر ومش هيأذي، عشان هو بيتأذي دلوقتي، انا مش عايزة اقول إيه اللي حصل في الحفلة دي، الناس اللي حضرت الحفلة هما اتعذبوا عشان يحجزوا تذكرة الحفلة دي، ولما بدات التذاكر يتم طرحها اتحجزت كلها في ساعتين وبعد كده الحجز اختفى، على بيتعرض لحرب فظيعة، لكن جمهور على الحجار مهما يحصل معاه هتلاقيه بيعمل أي حاجة عشان يوصله، ودي حاجة تطمنا».
