اسراء تطلب الطلاق للضرر: جوزي بيستحمى مع أمي بعد شهرين من جوازنا
"كان دايما بيقولي أمك حلوة".. بتلك الكلمات تحدثت إسراء عن خيانة زوجها لها مع والدتها في الحمام، حيث كان الزوج يبدي دائما إعجابه بوالدة اسراء، ولكن لم تكن تتوقع أن هذا الاعجاب سيصل إلي خيانة بكل جراءة من الطرفين.
بدأت اسراء حديثها: "أنا وجوزي عرسان جداد، وبعد جوازي بشهرين جالنا خبر إن والدي توفي، وكنت أنا ساعتها حامل، طلبت من والدتي تسيب البيت وحياة الوحدة بعد ما أبويا مات، وخصوصًا إني بنتهم الوحيدة وتيجي تعيش معايا أنا وجوزي، والدتي رفضت ساعتها وقالتلي يا بنتي انتوا لسه عرسان جداد وانا هاجي أعمل أية وسطكم؟، قولتلها أن جوزي مش هيمانع من وجودها وإن بالمرة تساعدني وتقف جنبي في حملي، وبالفعل قدرت أقنعها وجت سكنت معانا".
وتابعت: "بعد ما والدتي جت سكنت معانا، كان بدأ يحصل قدامي مواقف غريبة بينها وبين جوزي، في الوقت ده أمي هي اللي كانت واخدة بالها من البيت ومن جوزي كمان أكتر مني بس ده كان غصب عني لأن الحمل كان تاعبني لأنه كان أول حمل ليا وأنا كنت مديالهم الأمان لأنهم أقرب اتنين ليا في الدنيا وكنت بقول مستحيل يجيلي أي أذي او ضرر منهم فكنت بسيبهم مع بعض وانا مطمنة وبالتالي علاقتهم ببعض بدأت تقرب وجوزي كان أوقات كتير ألاحظ إنه بيبص علي جسم والدتي وبيقولي إنها "حلوة واترملت بدري" كل ده وأنا بكدب نفسي لحد ما حصل اللي كسرلي قلبي ودمرلي حياتي".
واختتمت: "كنت نايمة في مرة وكانت الساعة 5 الفجر، وصحيت فجأة من التعب وقولت أجيب ماية أشربها من المطبخ، وأنا معدية من جنب الحمام سمعت صوت جوزي وضحكة أمي جوا الحمام، فتحت عليهم الباب ولقيتهم هما الإتنين من غير هدوم وبيستحموا مع بعض جتلي صدمة عصبية من المشهد اللي شوفته قدامي ونزفت دم كتير ولما طلعوا بيا علي المستشفي قالولي أن ابني مات في بطني ولما واجهتهم واحد ورا التاني مبرراتهم لخيانتي صدمتني فيهم أكتر جوزي قالي"أنتي الحمل والتعب خدك مني وانا زي أي راجل محتاج اللي يشبع رغبتي وأمك هي اللي غاويتني" ولما واجهتها هي كمان قالتلي "جوزك كداب وهو اللي كان بيتحايل عليا نبقي مع بعض وأنا عشان بقيت عايشة من غير راجل ضعفت وطاوعته" سيبتلهم البيت وروحت قعدت عن واحدة صاحبتي عشان مش قادرة أشوف وشهم قدامي، رفعت علي جوزي دعوي طلاق للضرر عشان يجيلي حقي منه وأمي مش مسامحاها لاخر يوم في عمري".
