بعد تصدرها التريند.. حقيقة تورط الفنانة مروة عبد المنعم في قضية قتل

تصدر اسم الفنانة مروة عبد المنعم تريند محركات البحث على موقع جوجل منذ أمس، بعد إنهيارها من البكاء على الهواء مباشرة في أحد البرامج التليفزيونية، بعد أن تحدثت عن الأشخاص الذين تخلوا عنها في محنتها، وأثناء ابتعادها عن الفن، ويستعرض أنا حوا حقيقة تورط مروة عبد المنعم في قضية القتل.

توفيت خادمة مروة عبد المنعم عام 2014، واتهم والد الخادمة مروة عبد المنعم بقتلها، وتم تشريح الجثة ولكن التقارير الطبية أثبتت أن الوفاة طبيعية وليس بها شبهة جنائية.

وقالت مروة عبد المنعم في تصريحات تليفزيونية، إن هذا الموقف الصعب جعلها تعرف من هم أصدقائها الحقيقيين الذين ساندوها في هذه المحنة من المزيفين.

وأضافت: كنت لسه بقول لبنتي مش عارفة أنا صرفت عليكم طول السنين اللي فاتت دي إزاي؟ بس بتمشي، أنا وقفت مع نفسي محدش وقف جانبي، طبعا بعد ربنا، ربنا ده عظيم وكريم ، بقعد ساعات أقول أنا بصرف السنة دي إزاي".

واستكملت مروة حديثها قائلة: أشرف زكي وقف معايا، إدوارد كان وقتها معايا، ومكنش كتير، ودول اللي كانوا واقفين معايا، ومش هقول مين أتخلى عني، وفي ناس استنيت إن هما يبقوا معايا ومزعلني أوي ومش عايز أقول مين، ومكنوش صحابي أوي لكن كان فيه بينا عشرة من الوسط الفني، ولما أقابلهم في لوكيشن بيقوليلي إيه الأخبار وبيسألوا عليا".

وتابعت مروة عبد المنعم: وأشرف زكي وقف معايا جامد جدًا بصراحة، ومن أكتر الناس اللي وقفوا معايا، كنت متخيله إن تامر حسني يسأل عليا، وخاصًة كان لسه في عمر وسلمى حصله موقف في الجيش وروحتله مع إني لسه مكنتش صاحبته، أنا زعلت من تامر أوي، والناس اللي بينا عشرة شغل فقط مسألوش عليا، إحنا مش عشرة خروج وفسح، وتامر من الناس اللي قريبة مني، ومبعتش رسالة ولا كلمني، وكمان من اللي وقفوا معايا أحمد صفوت، وأحمد زاهر وقف معايا في حاجات كتير جدًا".