أول تعليق من حسن شاكوش على خناقته مع زوجته والأخيرة ترد: إيه الهبل ده
علق مغني المهرجانات الشعبية حسن شاكوش، على واقعة طرده لزوجته ريم طارق من مسكن الزوجية، والتي حررت محضرًا ضده.
وكتب حسن شاكوش، عبر حسابه بموقع التواصل الاجتماعي فيس بوك: مساء الفل عليكم جميعا يمكن القصه دايما ناقصة والبيوت فيها اسرار واحنا بنخاف علي بنات الناس واتربينا علي كده وحق الرد بيقول ان دي لسة مراتي ميصحش اتكلم عنها حتي لو حصل إيه، يمكن أهل بيتي وفريق عملي وأقرب الناس ليا أتاذوا من الحوار ده، بس بما إنها شاركت جمهوري بشئ جارح بالشكل ده كل اللي اقدر أقوله الحمد الله على نعمة السكوت والعقل وقت المشكلة الحمد الله على كل شئ.
وتصدرت ريم طارق، زوجة حسن شاكوش، مطرب المهرجانات الشعبية، تريند مواقع وصفحات التواصل الاجتماعي خلال الساعات القليلة الماضية، عقب أن حررت محضرًا ضد زوجها واتهمته من خلالها بسرقة شبكتها والمنقولات الزوجية، عقب أن طردها الأخير من مسكن الزوجية نتيجة نشوب خلافات بينهما.
وأعربت ريم طارق طليقة حسن شاكوش عن حزنها الشديد واستيائها بسبب طردها من منزلها، وقالت: أنا لما أحتاج ليكم هتصل عليكم، كما أصيبت زوجة حسن شاكوش بانهيار عقب طردها من منزل الزوجية، وظهر على صوتها علامات الانهيار، وكتبت زوجة حسن شاكوش على صفحتها الشخصية: هو في إيه يا جماعة وإيه كمية الهبل دي اللي بتتقال.
