دينا الشربينى عن ياسمين رئيس: «مش بصدق اللى بتقوله وبسألها ومُتسرعة فى ردود أفعالها»
كشفت الفنانة الجميلة دينا الشربينى، عن رأيها فى الفنانة المعروفة ياسمين رئيس، وأشارت إلى أنها مُختلفة كثيراً وشاطرة جداً بعملها، وأوضحت بأنها بـ 100 راجل.
دينا الشربينى عن ياسمين رئيس: «مش بصدق اللى بتقوله ومُتسرعة فى ردود أفعالها»
وأكدت الفنانة، “احتفلت بـ ياسمين لما عملت أنا لحبيبى، وبجد سعيدة جداً من ردور الأفعال على الفيلم، وكل اللى شافه انبسط منه، وحقيقى نفسى أتفرج على الفيلم لوحدى وبمزاج”.
وأضافت دينا:ـ “وبجد الفنانة ياسمين رئيس فى كل مرة بتعمل حاجة مختلفة عن اللى قبلها، وحبيت أوى دورها فى فيلم (فتاة المصنع)، وهى دمها خفيف أوى، وده ظهر فى فيلم (لص بغداد)، وهى دايماً بتظهر الجانب الكوميدى لزملائها فى العمل”.
وأنهت الفنانة:ـ “بنبقى قاعدين فى أى مكان ومش بصدق اللى بتقوله وأسألها إنتى حقيقى عملتى كده؟، وأنا وهى نعرف بعض قبل ما نشتغل بالتمثيل، وهى مش مُتعبة خالص لو حد عاشرها وفهمها، وبجد شخصية جدعة وطيبة وبتحب شغلها أوى، ولكنها متسرعة فى ردور أفعالها، وست بـ 100 راجل”.
ومن جانبها، نوهت الفنانة ياسمين رئيس أنها تحب عملها كثيراً، وأنها سعيد بتشبيهها بالراحلة “فاتن حمامة”، وأكدت على أنها تتمنى أن تُجسد شخصية “كيلوباترا”.
وعلقت قائلة:ـ “أنا بحب عملى بالفن وبحب أشتغل على نفسى، ومش بتمنى إنى أجسد شخصية حد، ولكن لو شخصية تاريخية يبقى شخصية كيلوباترا”، وعن تشبيهها بالفنانة فاتن حمامة ردت قائلة:ـ “سعيدة جداً من تشبيهى بالفنانة الراحلة فاتن حمامة، وحقيقى أنا بتأثر بأعمالها الرائعة، ومن أكتر الأعمال اللى حبتها ليها (دعاء الكروان)”.
