قالولى الأرباح 500% ونصبوا عليا.. ننشر أقوال إحدى ضحايا البلوجر هدير عاطف وبلال محمود
كشفت التحقيقات تفاصيل جديدة في واقعة اتهام البلوجر هدير عاطف وطليقها بلال محمود وشقيقته وزوج شقيقته بالنصب على المواطنين، وقالت م. أ إن المتهمين استغلوها وباقي الضحايا من خلال صفحة البلوجر هدير عبر موقع التواصل الاجتماعي الإنستجرام وزعموا أن الأرباح تصل إلى 500%، واستولوا منهم على مبالغ مالية لاستثمارها مقابل أرباح شهرية.
تحقيقات البلوجر المتهمة هدير عاطف
ننشر نص التحقيقات في القضية التي حملت 11080 لسنة 2022 أموال عامة التجمع الخامس، حيث استغلت المتهمة هدير عاطف عدد المتابعين لها على موقع التواصل الاجتماعي فيس بوك، وأعلنت أن طليقها يقوم بمشروع استثماري لمن يريد أن يستثمر أمواله بهدف جمع الأموال.
وإلى نص التحقيقات:
س: ما أسمك؟
ج: أسمي م. أ.
س: ما هو الضرر الواقع عليكي من المتهمة هدير عاطف؟
ج: أنا عرفت طبيعة شغل بلال عن طريق هدير وإنه بيشتغل في البورصة وهي كانت بتعمله منشن كتير على الإنستجرام.
س: أين تم تحرير العقود الخاصة بينكم؟
ج: في الفيلا الخاصة بتاعتهم عنوانها 285 ماوتن فيو بالتجمع الخامس
س: هل هدير كانت متواجدة أثناء تحرير العقود الخاصة بيكم؟
ج: أيوة هدير كانت موجودة أثناء توقيع التوقيع
س: من كان برفقتك أثناء توقيع العقود؟
ج: أنا كنت لوحدي؟
س: ما هي الفائدة المتحصلة من استثمار الأموال مع المتهم بلال وهدير؟
ج: بلال كان قالي هامش الربح 500%.
س: إنتى عرفتي إزى المتهم؟
ج: أنا عرفته من طريق هدير ولما دخلنا.
كما استمعت جهات التحقيق بالتجمع الخامس، إلى أقوال المجني عليهم في اتهام بلال محمود طليق البلوجر هدير عاطف، وشقيقته وزوجها بالاستيلاء على أموالهم.
س: ما تفصيل بلاغك؟
ج: أنا كنت بتابع البلوجر هدير عاطف وبحبها جدا، بدأت أشوف استوريهاتها لجوزها بلال، بدأت أتابعه وأشوف شغله وهو بدأ ينزل عروض وأرقام تواصل لسيلز وناس شغالة معاه، بدأت اتصل وأفهم منهم التفاصيل وإيه العروض المتاحة، وفي عرض منهم كان مناسب فلوسي، اتفقت مع أخته إني عايزة أعمل عقد بمبلغ 25 ألف قالتلي حولي الفلوس فودافون كاش وبعدها على طول هبعتلك صورة العقد واتس، موافقتش قولتلها إيه الضامن ليا، قولتلها عايزة أتقابل معاكم وأعمل عقد وأنا قاعدة، قالتلي ماشي بس المقابلات مرفوضة دلوقتى عشان أستاذ بلال بيفتح شركة في المهندسين ومش فاضي لو كده أنا هظبط وأقابلك أنا ويوسف، قولتلها مفيش مشكله قالتلي نتقابل بكرة قولتلها ماشي، قالت تيجي التجمع كل العقود بتتعمل هناك قولتلها ماشي، بعتتلي لوكيشن المكان اللي هروحه، هو كافيه وروحت أتاخرت عليا جدا، وبعد كده جات هي وجوزها وبنتها وواحد تاني معاهم شغال بس مش فاكرة اسمه قريت العقد لقيته قانوني ولو طلع كذب هعرف آخد حقي وبعد كده قولتلها اكتبي العقد وخلاص كتبنا العقد وخدت الفلوس.
