أصالة تتراجع وتعتذر لـ حلمي بكر: مقدرش أنكر فضل مصر عليا
دافعت النجمة السورية أصالة، عن تصريح المثير للجدل والتي قالت فيها "تاريخي كله الفضل فيه للمملكة العربية السعودية فقط والتي سأظل مدينة لها العمر كله" وتفسير البعض بإنكارها فضل مصر عليها.
وقالت "أصالة" خلال تصريحات تليفزيونية: "حفلتي بموسم الرياض من أجمل الحفلات اللى عملتها في حياتي، وأنا من الناس اللى بحب أعبر عن مشاعري، وكنت عمالة أدلع كل شخص موجود بالمسرح، ولكن ما أريد توضيحه والتأكيد عليه بأن علاقتي بمصر ليست محل نقاش، مصر مثل ابنتى شام، ممفعش بنتى تشك في حبي ليها لو دلعت أخوها او اختها".
وتابعت: "اخترت مصر سكني ووطني، ويمكن الملحن حلمي بكر زعل مني علشان مغنتش أغنية له، وعلشان كده انتقدني، وانا باعترف اني قصرت معه الفترة اللى فاتت وقصرت مع كل حبايبي".
وأكملت النجمة السورية: "الناس فهموني غلط، مقدرش انكر فضل مصر عليا وغلاوتها عندي، شعوري تجاه مصر زي شعوري تجاه ولادي، بالنسبة لي حياة وطباعي مصرية وأولادي مش بيحكوا اللى مصري، وعندي علاقة فنية وانسانية واجتماعية بكل الناس في الوطن العربي.
واستطردت: "المصريين أهلي وروح قلبي وهما اللى مسكوا ايدي وقووني وحبي لمصر لن يتزعزع ومحدش يقدر يشكك في حبي لمصر، واقول للموسيقار حلمي بكر انت حبيبي وآسفة إني قصرت معاك، وحبي واحترامي للأستاذ مجرد".
