تصريح صادم من وفاء عامر بشأن علاقتها بالفنانة غادة عبد الرازق

كشفت الفنانة المصرية وفاء عامر، عن علاقتها بالفنانة غادة عبد الرازق والفنانة سمية الخشاب، وقالت وفاء: "غادة مش صاحبتي، وأنا سبق وقولت دا في المركز الكاثوليكي".
وأضافت :"الصداقة دي معناها كبير أوي، ولما أقول أنتي صاحبتي يعني لازم نكون بناكل ونشرب و اسرارنا مع بعض".
وعن رسالة الفنانة غادة عبد الرازق لوفاء عامر: "انتي مش صاحبتي"، ردت وفاء، :"يعني أنا اللي روحت نمت مثلا تحت العمارة وقولتلها والنبي الله يخليكي صاحبيني".
علاقتها بالفنانة سمية الخشاب
وعن علاقتها بالفنانة سمية الخشاب قالت، : "سمية مش صاحبتي، وأنا عزراها، وسمية اشتغلت في رواية أنا كنت فيها بطلة، وكنا بنتقابل".
وتابعت :"أنا مش فاضية وأنا بشتغل وبعمل أدوار حلوة بس".
وعن صديقتها المقربة في الوسط الفني قالت :"أيتن عامر، وريم البارودي".
واختتمت حديثها، :"أنا بقولهم حبوا شغلكوا أوي وسيبوا وفاء عامر في حالها الله يخليكوا، لأني مش عايزة ارد على حد".
يذكر أن، وفاء عامر شاركت في دراما رمضان 2022 بـ 3 مسلسلات هي "راجعين يا هوى" و"جزيرة غمام" و "بيت الشدة".